Münasib qiymətə və əla göstəricilərə sahib Redmi S2-nin foto və məlumatları sızdırıldı
Elm & Texnologiya
07.05.2018
Emil Nəcəfov
Xiaomi şirkəti özünün Redmi S2 adlı
yeni smartfon modelinin təqdimatını 10 May tarixində keçirdəcək. Sözügedən
smartfon yeni Redmi S seriyasına start verəcək. Təqdimatdan bir neçə gün öncə
isə AliExpress saytında smartfonun qlobal versiyasının bütün özəllikləri barəsində
məlumatlar və fotolar əks olunub. Fotolardan da görmək olar ki, Redmi S2-nin
arxa paneli Mi 6X modelinə bənzəyir. Xiaomi Redmi S2-nin arxa panelində şaquli
şəkildə yerləşdirilmiş ikili arxa kamera və barmaq izi skanı texnologiyası yerləşir.
Smartfon 18:9 nisbətində HD+ keyfiyyətli 5.99 inç IPS LCD ekran, Snapdragon 625
prosessoru, 3 GB RAM, 32 GB daxili yaddaş (digər variantlar da olacaq) və 3080
mAh enerji tutumlu batareya ilə təchiz olunacaq. Kameralara gəldikdə isə Redmi
S2 12 MP + 5 MP ikili arxa kamera və LED işıqlandırma sisteminə sahib 16 MP-lik
ön kamera ilə təchiz olunacaq. Yüksək keyfiyyətli fotoların alınmasında
kameralara inteqrasiya olunmuş süni zəka texnologiyası yardım edəcək. Belə ki,
süni zəka texnologiyası çəkimdən öncə və sonra əldə olunmuş kadrı emal edəcək.
Məlumata əsasən seçilmiş texniki özəlliklərdən asılı olaraq Xiaomi Redmi S2-nin
qiyməti 159-187$ təşkil edəcək.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!