NASA-nın yeni aparatının Aya çatdırılması SpaceX şirkətinə həvalə edilib

NASA-nın yeni aparatının Aya çatdırılması SpaceX şirkətinə həvalə edilib

Texnologiya
15.04.2021 PAYLAŞIM

    NASA-nın Ay səthi üçün nəzərdə tutulmuş yeni aparatı (moon rover) Yer kürəsinin peykinə Falcon Heavy ağır raketi vasitəsilə göndəriləcək. Onunla birlikdə həmçinin Aya Astrobotics şirkətinin hazırladığı Griffin adlı eniş modulu da göndəriləcək. Qeyd etmək lazımdır ki, NASA-nın yeni Ay aparatı peykin cənub qütbündə suyun və buzun axtarılması üçün nəzərdə tutulub. Aparat Aya 2023-ü ildə göndəriləcək. Sözügedən missiya Artemis missiyası çərçivəsində Ayda daimi bazanın yaradılmasında aparıcı rol oynayacaq. Bundan əlavə olaraq bu missiya Falcon Heavy raketinin nəyə qadir olduğunu da sərgiləyəcək.

    Keçən il NASA agentliyi Astrobotics şirkətinə 200 milyon dollara Ayın cənub qütbünə VIPER adlı (Volatiles Investigating Polar Exploration Rover) tədqiqat aparatının göndərilməsini tapşırmışdı. Sözügedən aparat suyun və buzun axtarılması üçün nəzərdə tutulmuş komponentlərə sahibdir. Sözügedən resurslar isə Artemis missiyası çərçivəsində Ayda daimi bazanın yaradılması üçün çox əhəmiyyətlidirlər. Aparatın AY səthinə enişindən sonra onun xidmət dövrü 100 gün olacaq.


    Razılaşmaya əsasən VIPER aparatı Griffin adlı eniş modulnun daxilinə yerləşdiriləcək. Həmin eniş modulunun testləri bu il üçün planlaşdırılır. Eniş modulunun Aya çatdırılması məsələsində isə şirkət Falcon Hevy raketini seçib. Qeyd etmək lazımdır ki, ağır raketlər sinifinə daxil olan Falcon Heavy 2019-cu ildə iki missiya yerinə yetirmişdi. Lakin NASA-nın Ay missiyası çərçivəsində Falcon Heavy ilk dəfə olaraq Yer kürəsinin orbitindən daha uzağa uçacaq. Müqavilənin şərtləri barəsində məlumat olmasa da SpaceX-in rəsmi saytında olan məlumata əsasən Falcon Heavy-nin uçuş qiyməti 90 milyon dollar təşkil edir. Qeyd etmək lazımdır ki, dövlət tərəfindən təşkil edilmiş bəzi kosmik missiyalar daha baha qiymətə reallaşdırılıblar.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Jeff Bezos-un Blue Origin şirkəti Orbital Reef adlı orbital kosmik stansiyasını ..

Jeff Bezos-un Blue Origin aerokosmik şirkəti Orbital Reef adlı özəl orbital kosmik stansiyanın yarad..


Elon Musk-ın Boring Company şirkəti Las-Veqasda 51 stansiyalı yeraltı tunellər s..

Nevada ştatının Klark adlı dairəsi Elon Musk-a məxsus olan Boring Company şirkətinin planına razılıq..


Apple M1 Max-ın qrafik çipi bençmark testlərində Nvidia GeForce RTX 2080 Super-i..

Reddit istifadəçilərindən biri Apple şirkətinin yeni prosessoru olan M1 Max-ın sahib olduğu qrafik ç..


Məşhur insayder Snapdragon 898 və MediaTek Dimensity 2000 barəsində yeni məlumat..

Digital Chat Station ləqəbli məşhur çinli insayder Snapdragon 898 ilə MediaTek Dimensity 2000 proses..


Məşhur analitik: 'Apple qarışıq reallıq cihazının istehsalını təxirə salıb'..

Son zamanlar Apple şirkətinin qarışıq reallıq (AR+VR) eynəyini satışa çıxardacağı barəsində çoxlu sa..


Xiaomi-nin öz ilk elektromobil istehsalına nə zaman başlayacağı məlum olub..

Smartfonları ilə tanınan Xiaomi şirkəti yaxın bir neçə il ərzində öz elektromobil istehsalına start ..

×