NASA Venera planetinə insan göndərməyi planlaşdırır
Elm & Texnologiya
18.10.2018
Farid Pardashunas
NASA Venera planetinə insanın göndərilməsi üzrə HAVOC missiyasının konsepsiyasının hazırlanmasına start verib. Plana əsasən Venera planetinə göndəriləcək insanlar planetin buludlarında yerləşəcək yüksək texnoloji dirijabllarda yaşayacaqlar. Qeyd etmək lazımdır ki, Venera planetinin səthindəki yüksək təzyiq qüvvəsi, temperatur (460 dərəcə) və zəhərli atmosfer göstəriciləri insanın planetin səthinə enməsini qeyri mümkün edir. Lakin NASA-dan olan mütəxəssislərin fikrincə Venera planetinin yuxarı layları Yer kürəsindəki həyat şəraitinə bənzəyir.
Planetin səthindən 50-60 km yüksəklikdə olan təzyiq Yer kürəsinin aşağı laylarındakı təzyiq ilə demək olar ki, eynidir. Bununla yanaşı Venera planetinin həmin yüksəklikdəki temperatur göstəriciləri 20-30 dərəcədir. Bu cür yüksəklikdə NASA dirijabllar yerləşdirməyi planlaşdırır. Dirijablların günəş enerjisi ilə çalışacağı planlaşdırılır. Dirijablların daxilində oksigen ilə azot qarşığı olacaq. Həmin qarışıq lazımi yüksəklikdə qalmanı təmin edəcək. Dirijablların gövdələri isə elə bir materialdan hazırlanacaq ki, həmin material sulfat turşusu tərəfindən paslanmaya məruz qalmasın. Qeyd etmək lazımdır ki, Venera planetinin atmosferində sulfat turşusu yetəri qədərdir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək