Nintendo-nun növbəti portativ oyun konsolunun satış tarixi açıqlanıb

    İnsayderlər Nintendo-nun növbəti portativ oyun konsolu barəsində yeni məlumatları təqdim ediblər. Onların sözlərinə əsasən Nintendo-nun yeni oyun konsolu 24 sentyabr 2024-cü il tarixində satışa çıxacaq. Lakin nəsə yolunda getməsə, şirkət satışları həmin ilin 3 noyabr tarixinə kimi təxirə salacaq. Məlumatda qeyd edilib ki, Nintendo-nun yeni oyun konsolu iki versiyada təqdim olunacaq. Onlardan biri kartric girişinə sahib olacaq və onun qiyməti 449$ təşkil edəcək. İkinci versiyada isə kartric girişi mövcud olmayacaq və onun qiyməti 400$ təşkil edəcək. Bununla yanaşı məlumata əsasən konsol OLED ekrana sahib olmayacaq. Lakin OLED ekran əvəzinə konsol özündə AR (artırılmış reallıq) dəstəyini birləşdirəcək.