Nokia 7 Plus ilə Nokia 1-in real fotoları sızdırıldı
Elm & Texnologiya
15.02.2018
Farid Pardashunas
Məşhur insayder Evan Blass öz Twitter hesabında hələ anonsu olmamış Nokia 7 Plus ilə Nokia 1 modellərinin yeni fotolarını təqdim edib.
Biz daha öncə Nokia 7 Plus modeli
haqqında məlumatlar vermişdik. Lakin təqdim olunmuş yeni fotoda da bəzi yeni məlumatlar
var. Belə ki, yeni fotoda əks olunmuş smartfonun arxa panelində AndroidOne sözü
əks olunub. Bu isə o deməkdir ki, bu model “Google” şirkətinin büdcəli smartfonlar
proqramı çərçivəsində satışa çıxacaq və təmiz Android əməliyyat sisteminə sahib
olacaq. Bundan əlavə olaraq smartfon dəbli və effektiv görünür.
Nokia 1 modelinə
gəldikdə isə onun xarici görünüşü bir qədər təəccübləndirir. Belə ki, xarici
görünüşcə Nokia 1 “HTC”, “Lenovo” və “Motorola” şirkətlərinin keçmiş
telefonlarına bənzəyir. Məlumata əsasən bu smartfon Android Go proqramına
aiddir. Onun geniş çərçivələri və əyilmiş şəkildə küncləri var.
Bundan əlavə
olaraq Nokia 1 arxa və ön kameralara sahibdir. Bu cür görünüşə sahib Nokia 1
ultrabüdcəli smartfon seriyasına aid olmalıdır və onun qiyməti 100$-dan baha
olmamalıdır. Sözügedən yeni Nokia modellərinin dəqiq texniki göstəriciləri və
qiymətləri barəsində heç bir məlumat yoxdur. Güman olunur ki, Nokia 7 Plus
modeli 25 Fevral tarixində, Nokia 1 modeli isə 26 Fevral tarixində təqdim
olunacaq.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ