Nokia 8 Sirocco haqqında yeni məlumatlar sızdırıldı

    Yeni sızdırılmış məlumatlara əsasən həmin təqdim olunacaq modellər arasında həmçinin Nokia 8 Sirocco smartfonu da olacaq. Əvvəlki məlumatlar təsdiq etmişdi ki, şirkət yeni nəsil Nokia 8 üzərində çalışır. Qeyd etmək lazımdır ki, 2006-cı ildə Nokia brendi Nokia Sirocco adlı telefonu satışa çıxartmışdı. Həmin vaxtda isə bu telefon brendin ən bahalı modeli hesab olunurdu.

    Güman olunur ki, təqdim olunacaq yeni Nokia 8 modeli Sirocco brendinin davamçısı olacaq. Sızdırılmış yeni məlumatlara əsasən Nokia 8 Sirocco Snapdragon 845 prosessoru, 6 GB RAM, biri 12 MP, digəri isə 13 MP olmaqla ikili arxa kamera, 5 MP-lik ön kamera, 3250 mAh enerji tutumlu batareya və 5.5 inç OLED ekran ilə təchiz olunacaq. Həmçinin smartfon IP67 standartı üzrə tozdan və sudan qorunan korpusa sahib olacaq.