Nokia 9-un qiyməti bəlli oldu. iPhone 7-dən daha bahalı smartfon gəlir
Elm & Texnologiya
07.05.2017
Farid
"HMD Global” şirkəti bu ilin 3-cü rübündə Nokia brendinin flaqman smartfonunu təqdim edəcək.
Onun texniki göstəriciləri və qiyməti isə artıq bəllidir. NokiaPowerUser mənbəsinin məlumatlarına əsasən sözügedən smartfon Nokia 9, bu ilin 3-cü rübündə
satışa çıxacaq. ABŞ-da onun qiyməti isə 700$ təşkil edəcək. Göründüyü kimi bu
cür qiymət dəyəri Nokia brendli smartfon üçün bir qədər bahadır. Yadınızdadırsa
əvvəlki büdcəli modellər daha ucuz qiymətə satılırdı. Nokia 9-un texniki göstəricilərinə
gəldikdə isə o, 5.5 inç QHD OLED ekran, 8 nüvəli Snapdragon 835 prosessoru, 6
GB RAM, 64/128 GB daxili yaddaş, 22 MP-lik arxa və 12 MP-lik ön kamera, 3800
mAh (sürətli enerji yığma funksiyalı) enerji tutumlu batareya ilə təchiz
olunacaq. Bundan əlavə olaraq yeni flaqman smartfonun korpusu IP69 standartına
uyğun olaraq tozdan və sudan qorunacaq və cihaz göz qişası skanına sahib
olacaq.
Paylaş
Bənzər xəbərlər
