Nokia, 'Google', 'HTC' və 'Lenovo'dan daha çox smartfon satıb
Elm & Texnologiya
15.02.2018
Farid Pardashunas
Mobil telefon bazarında lider şirkətlər olan “Apple” və “Samsung”dan sonra “HMD Global” şirkəti də yüksək satışlar üzrə statistikalarını açıqladı.
Beləliklə 2017-ci ilin 4-cü
rübündə şirkət 4.4 milyon ədəd Nokia smartfonu satıb. Bu barədə PhoneArena
saytı xəbər verib. Keçən ilin son 3 ayında 29 milyon ədəd satılaraq yüksək göstərici
sərgiləmiş iPhone X modelinin fonunda “HMD Global” şirkətinin göstəricisi təbii
ki, çox aşağı görünür.
Lakin rəqabətin böyük olduğu və yüksək texnologiyalar
baxımından öndə gedən şirkətlərin hegemonluq etdikləri bir bazara geri dönüş edən
şirkət üçün 4.4 milyon ədəd smartfon satışı heç də pis nəticə deyil. Şirkətin
bazardakı vəziyyətini yaxşı anlayan “HMD Global”ın rəhbərliyi heç də “Samsung”u
və ya “Apple”ı keçmək niyyətində deyil. O əksinə digər kiçik rəqibləri geridə
qoyduğuna görə sevinir. Aşağıdakı siyahıda qeyd olunmuş şirkətlər Nokia brendi
altında satılmış smartfonlardan daha aşağı nəticə göstəriblər.
- HTC
- Sony
- Google
- Alcatel
- Lenovo
- OnePlus
- Gionee
- Meizu
- Coolpad
- Asus.
Keçən ilin sonunda “HMD Global”
üçün ən vacib bazar İngiltərə oldu. Orda isə şirkət smartfon satışı ilə məşğul
olan ən böyük şirkətlər siyahısında ilk üçlüyə düşdü. Bu il üçün şirkət bir
sıra maraqlı smartfon modelləri
hazırlayır.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)