Nokia-nın Rusiyadakı nümayəndəliyinə azərbaycanlı rəhbərlik edəcək

27.08.2018 0 PAYLAŞIM 279 OXUNMA

Rusiyanın rabitə və kütləvi kommunikasiyalar nazirinin sabiq müavini Rəşid İsmayılov Nokia korporasiyasının Rusiyadakı nümayəndəliyinin baş direktoru olacaq.

Technote.az bildirir ki, R.İsmayılov bundan əvvəl korporasiyanın Şərqi Avropadakı xidmət bölməsinə rəhbərlik edib.

Bununla yanaşı, o, 2019-cu ilin mayınadək Beynəlxalq Elektrik Rabitəsi İttifaqının Şura sədri vəzifəsində çalışmağa davam edəcək.

Qeyd edək ki, R.İsmayılov 1998-ci ildən Ericsson, Nokia, Huawei Technologies kimi iri İT şirkətlərində müxtəlif vəzifələrdə çalışıb. 2013-cü ildən 2018-ci ilin iyulunadək isə Rusiya Rabitə və Kütləvi Kommunikasiyalar Nazirliyində işləyib. (Trend)