Belə ki, kamera tətbiqinin kodunda gələcək Nokia modellərinin adları aşkarlanıb və əsas diqqət Nokia 8 Sirocco modelinə ayrılıb. Köhnə Nokia seriyasında artıq bu cür ada sahib model olub. Söhbət, Nokia 8800 Sirocco Edition telefonundan gedir. Premium model olmuş bu telefon Nokia 8800-un davamçısı idi. Daha sonra isə 18 karatlıq qızıldan hazırlanmış korpusa sahib Sirocco Gold Edition satışa çıxmışdı. Görünür, “HMD Global” şirkəti məşhur premium seriyasını geri qaytarmağı planlaşdırır.

    Hələki tam olaraq aydın deyil ki, Nokia 8 Sirocco standart modeldən nə ilə fərqlənir. Bəlkə də bu ada 2018-ci ilin flaqman modeli layiq görüləcək. Bəlkə də şirkət daha varlı şəxslər üçün limitli Nokia 8 modeli hazırlayır. Qeyd etmək lazımdır ki, proqram təminatının kodunda həmçinin anonsu olmamış Nokia 1, Nokia 9 və Nokia 7 Plus modellərinin adları da aşkarlanıb. Maraqlısı ondadır ki, smartfonların adlarının yanında optika istehsalı ilə məşğul olan “Zeiss” şirkətinin adı da qeyd olunub. Çox güman ki, bu şirkət də sözügedən smartfonların yaradılmasında aktiv iştirak edir.