HMD Global şirkəti artıq bir neçə ay ərzində X seriyasının 2 yeni smartfon modelini təqdim etdi. Qeyd etmək lazımdır ki, məhz X seriyasının smartfonları şirkətin ekran üzərində çıxıntıya sahib ilk smartfon modelləri oldular. Yeni sızdırılmış məlumata əsasən isə şirkət X seriyasının yeni modeli üzərində çalışır. Belə ki, internetə güman olunan Nokia X7 modelinin ön panelinin fotoları sızdırılıb.

    Yeni model çox güman ki, Nokia 5.1 Plus və Nokia 6.1 Plus modellərindən fərqli olaraq daha böyük ekranla təchiz olunacaq. Lakin ekran üzərindəki çıxıntı hissəsi Nokia 5.1 Plus modelindəki kimi olacaq. Nokia 6.1 Plus modelində çıxıntı hissə bir qədər kiçikdir. Fotolardan əlavə olaraq verilmiş məlumata əsasən Nokia X7 Snapdragon 710 prosessoru və 64/128 GB daxili yaddaş ilə təchiz olunacaq. Smartfon bu ilin 4-cü rübündə və ya gələn ilin əvvəlində təqdim oluna bilər. Onun güman olunan qiymət göstəricisi isə 252 avrodur.