Nothing şirkəti öz Youtube kanalında “What’s after Phone (1)?” adlı video təqdim edib. Təqdim edilmiş bu video ilə şirkət yaxın zamanda yeni naqilsiz qulaqlıqlarının təqdimatına işarə edib. Mukul Sharma adlı məşhur hindistanlı insayder bu məlumatı təsdiqləyib və şirkətin yeni naqilsiz qulaqlıqları barəsində bəzi məlumatları təqdim edib. Nothing tərəfindən təqdim edilmiş videoda birbaşa olaraq yeni naqilsiz qulaqlıqlar qeyd edilməyib. Videoda sadəcə olaraq piksellər vasitəsilə bulanıq formatda əks olunan kadr mövcuddur.

    Bundan əlavə olaraq vieoda Nothing şirkətinin aparıcı dizayneri Tom Howard bulanıq kadrda əks olunan obyektin Ear (1) qulaqlıqları olmadığını söyləyir. Bu videonun təqdim olunmasından sonra məşhur insayder Mukul Sharma Nothing şirkətinin 2 yeni naqilsiz qulaqlıq modeli barəsində bəzi məlumatları öz Twitter hesabında təqdim edib. Onun sözlərinə əsasən hazırlanan yeni qulaqlardan biri Ear (1) Stick, digəri isə Ear (2) adını əldə edəcək. Güman olunur ki, Ear (1) Stick modeli orijinal Ear (1)-in davamçısı olmayacaq və o, uzunsov dizaynda reallaşdırılmş şarj keysi ilə seçiləcək.

    Ear (1) Stick-in texniki özəllikləri barəsində məlumat yoxdur. Ear (2) qulaqlıqlarına gəldikdə isə onlar hal hazırda aktual olan Ear (1)-in davamçısı olacaqlar. Gözləntilərə əsasən Ear (2) qulaqlıqlarının gövdələri də Ear (1) qulaqlıqlarının gövdələri kimi şəffaf olacaq. Lakin bununla belə yeni qulaqlıqların sahib olacaqları şarj keysinin xarici görünüşündə dəyişikliklər reallaşdırıla bilər. Məşhur insayderin sözlərinə əsasən Nothing öz yeni naqilsiz qulaqlıqlarını yaxın zamanda təqdim etməlidir. Buna görə də onların bu ilin sonuna kimi satışa çıxma ehtimalları çox yüksəkdir.