Növbə Samsung'dadır: Şirkət gamerlər üçün smartfon hazırlayır
Elm & Texnologiya
24.07.2018
Farid Pardashunas
Bir neçə müddət bundan öncə istehsalçılar ciddi şəkildə
gamerlər üçün smartfon istehsalı ilə məşğul olmağa başladılar. Hələ 2011-ci ildə
Sony Ericsson gamerlər üçün ilk oyun smartfonlarından biri olan Xperia Play
modelini təqdim etmişdi. Keçən ilin sonunda Razer şirkəti də özünün istehsalı
olan gamer smartfonunu təqdim etmişdi. Bu il isə Xiaomi şirkəti Black Shark
modelini, Nubia şirkəti Red Magic modelini təqdim etdi. Həmçinin Huawei şirkətindən
də belə bir smartfon gözlənilir. İndi isə növbə Samsung şirkətindədir.
Samsung-un öz gamer smartfonunu hazırlaması məlumatı Twitter-də olan MMDDJ adlı
mənbədən yayılıb. Qeyd etmək lazımdır ki, bu mənbə Samsuing məhsulları üzrə
doğru məlumatları ilə tanınır. Lakin təəssüflər olsun ki, mənbə söhbətin hansı
model Samsung cihazından getdiyi barəsində heç bir məlumat verməyib. Buna baxmayaraq
digər bir mənbənin verdiyi məlumata əsasən gamer smartfonu altında məhz Galaxy
X modeli durur. Nəzərə alsaq ki, Galaxy X smartfonu əyilə bilən olacaq, onun
gamerlər üçün smartfon kimi təqdim olunması gözləniləndir. Qeyd etmək lazımdır
ki, bir sıra məlumatlara əsasən Galaxy X 2000$ yaxın qiymət göstəricisi ilə
satılacaq və gələn ilin əvvəlində təqdim olunacaq.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ