Növbəti watchOS yenilənməsindən sonra Apple Watch-ların ekranlarında yaşıl kölgə əmələ gəlib

    Reddit istifadəçilərinin verdikləri məlumata əsasən watchOS 9.5 yenilənməsindən sonra onların Apple Watch smart saatlarının ekranlarında yaşıl rəngli kölgə əmələ gəlib. İstifadəçilər qeyd ediblər ki, bu problemə yalnız bəzi Apple Watch modellərində rast gəlinir. Söhbət, Watch Series 8 və ondan daha əvvəlki modellərdən gedir. Watch SE və Watch Ultra modelləri arasında sözügedən problemə çox nadir hallarda rast gəlinir. İstifadəçilər bildiriblər ki, bu problemin yaşandığı Apple Watch modellərində ekranlar şifrənin daxil edilməsi, idarəetmə mərkəzinə keçid və bildirişlərin deaktiv edilməsi zamanı yaşıl rəngli kölgə ilə əhatə olunurlar. Apple bu barədə hələ rəsmi bir məlumat verməyib. Qeyd etmək lazımdır ki, daha öncə buna bənzər problem həmçinin iPhone-larda da yaşanmışdı və problemin səbəbi proqram təminatında idi.