Nüfuzlu insayder Snapdragon 8 Gen 2 flaqman prosessorunun bəzi özəllikləri barəsində məlumat verib

Nüfuzlu insayder Snapdragon 8 Gen 2 flaqman prosessorunun bəzi özəllikləri barəsində məlumat verib

Texnologiya
10.05.2022 PAYLAŞIM

    Digital Chat Station ləqəbli məşhur insayder Qualcomm şirkətinin yeni flaqman prosessorunun texniki özəllikləri və təqdimat tarixi barəsində məlumatlar verib. Söhbət, Snapdragon 8 Gen 2 prosessorundan gedir. Məlumata əsasən sözügedən prosessorun performansı Snapdragon 8 Gen 1 ilə müqayisədə daha da artacaq və o, Android vasitəsilə çalışacaq növbəti nəsil flaqman smartfonlarda mobil internet imkanlarını genişləndirəcək. Məlumatda qeyd edilib ki, Snapdragon 8 Gen 2 prosessoru “1+3+4” sxemi üzrə 3 klasterdən ibarət olacaq. Bu isə o deməkdir ki, prosessor  Cortex-X seriyasına aid olan 1 ədəd supernüvədən, 3 ədəd yüksək performanslı nüvədən və 4 ədəd enerji effektivliyi nüvəsindən ibarət olacaq. Bundan əlavə olaraq Snapdragon 8 Gen 2 modeli Snapdragon X70 5G modemi ilə təchiz olunacaq və bu modem saniyədə 10 Gbit yükləmə sürətini təmin edəcək.

    Həmçinin yeni flaqman prosessor yenilənmiş neyron modulu özündə birləşdirəcək. Yenilənmiş neyron modul öz növbəsində süni zəka ilə bağlı olan əməliyyatların daha sürətlə yerinə yetirilməsi şəraitini yaradacaq. Snapdragon 8 Gen 2-nin bu ilin sonunda təqdim və TSMC şirkətinin zavodlarında istehsal ediləcəyi gözlənilir. İstehsalat zamanı isə 4 nanometrlik texnoloji prosesdən istifadə ediləcək. Məlumata əsasən Qualcomm şirkəti sözügedən prosessoru əslində bu ay təqdim etməyi planlaşdırırdı. Lakin Çində COVID-19 pandemiyasının yenidən kəskinləşməsi səbəbilə təqdimat təxirə salındı. Gözləntilərə əsasən Snapdragon 8 Gen 2-ni əldə edəcək ilk smartfon Motorola Edge 30 Ultra modeli olacaq. Qeyd etmək lazımdır ki, keçən ilin sonunda təqdim edilmiş Snapdragon 8 Gen 1 prosessorunu ilk əldə etmiş smartfon modeli məhz Motorola Edge 30 Pro olmuşdu.


Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Naqilsiz yeni Redmi Buds 4 və Buds 4 Pro qulaqlıqları təqdim edilib - QİYMƏTİ..

Redmi brendi 2 ədəd yeni naqilsiz qulaqlığı təqdim edib. Söhbət, Redmi Buds 4 və Buds 4 Pro qulaqlar..


Yeni Xiaomi Mi Band 7 smart qolbağı təqdim edilib - QİYMƏTİ

Redmi brendi Redmi Note 11T Pro və Note 11T Pro+ smartfonlarından əlavə olaraq çoxdan gözlənilən Mi ..


Apple öz cihazlarında fiziki düymələrdən imtina etməyi planlaşdırır

Görünür, Apple şirkəti öz cihazlarında fiziki düymələrdən imtina etməyi planlaşdırır. Şirkətin yeni ..


Snapdragon 8+ Gen 1 və flaqman özəlliklərə sahib Snapdragon 7 Gen 1 prosessorlar..

Qualcomm şirkəti keçirtmiş olduğu xüsusi təqdimat tədbiri çərçivəsində yeni Snapdragon 8+ Gen 1 flaq..


Hələ təqdim olunmamış Xiaomi Mi Band 7 smart qolbağı internet mağazalarının biri..

Xiaomi Mi Band 6 smart qolbağı Çində keçən ilin aprel ayının əvvəlində təqdim edilmişdi...


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..

×