NVIDIA GeForce RTX 4060 videokartının satış tarixi və performans göstəricisi barəsində məlumat verilib
Elm & Texnologiya
18.11.2022
Farid Pardashunas
İnsayderlər NVIDIA GeForce RTX 4060 videokartının satış tarixi və performans göstəricisi barəsində məlumat veriblər. Beləliklə verilmiş məlumata əsasən GeForce RTX 4060 videokartı gələn ilin iyun ayının sonuna yaxın satışa çıxacaq. Yeni videokartın performansına gəldikdə isə məlumatda qeyd edilib ki, onun performansı GeForce RTX 3060-dan 20% daha yüksək olacaq.
Başqa sözlə desək, GeForce RTX 4060-nın performans göstəricisi GeForce RTX 3070-in performans göstəricisi səviyyəsində olacaq. Gözləntilərə əsasən yeni videokartın enerji sərfiyyatı GeForce RTX 3060-dan daha aşağı olacaq və 180 vatt-ı keçməyəcək. Bu isə öz növbəsində GPU-nun soyudulması effektivliyinə təsir göstərməlidir. GeForce RTX 4060 həmçinin DLSS 3.0 texnologiyasının dəstəyini də əldə edə bilər. Güman olunur ki, GeForce RTX 4060-nin satış qiyməti GeForce RTX 3060 Ti modelinin satış qiyməti səviyyəsində olacaq. Söhbət, 400$-dan gedir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək