OnePlus 3 rəsmi şəkildə təqdim olunub

OnePlus şirkəti eyniadlı flaqman smartfonunun 3-cü nəslini təqdim edib. Güclü texniki parametrlərinə baxmayaraq yeni smartfon ABŞ-da $399 qiymətinə satılır. Texniki göstəricilərinə gəldikdə OnePlus 3 5.5 inç Full HD AMOLED ekran, Snapdragon 820 prosessoru, 6 GB-lıq RAM, 64 GB-lıq daxili yaddaş, 2 SIM kart xüsusiyyəti, barmaq izi tanıma funksiyası, 3000 mAh enerji tutumlu batareya, 16 MP-lik arxa kamera və 8 MP-lik ön kamera ilə təchiz olunmuşdur. Arxa kamera vasitəsilə 4K formatlı videolar çəkmək mümkündür. Bundan əlavə olaraq smartfon sürətli enerji yığma xüsusiyyətinə də sahibdir. Şirkətin verdiyi məluamata əsasən Dash Charge funksiyaı sayəsində smartfon enerjini 0-dan 60%-ə kimi 30 dəqiqə ərzində yığır. Enerjinin yığma sürətinə 3D qrafikalı oyunların oynanılması və ya digər tətbiqlərin istifadəsi təsir etmir. Yeni OnePlus-u artıq şirkətin rəsmi saytında sifariş etmək mümkündür.