Bir neçə gün bundan öncə internetdə OnePlus 6-nın 256 GB daxili yaddaşlı versiyasının qiyməti sızdırılmışdı. Həmin məlumata əsasən bu yaddaş göstəricisinə sahib olacaq versiya 749$-a satılacaq. Bugün isə OnePlus 5T-ni əvəzləyəcək yeni modelin texniki göstəriciləri barəsində yeni məlumatlar ortaya çıxıb.

    Təqdim olunmuş məlumata əsasən OnePlus 6 2280x1080 piksel keyfiyyətli 6.28 inç AMOLED ekran, 2.7 GHz tezlikli Snapdragon 845 prosessoru 6 GB RAM, 128 GB daxili yaddaş, f/1.7 diafraqmalı (hər iki kamerada) 16 MP + 20 MP ikili arxa kamera, f/1.7 diafraqmalı 20 MP-lik ön kamera və 3450 mAh enerji tutumlu batareya ilə təchiz olunacaq. Qeyd etmək lazımdır ki, təqdim olunmuş məlumat yalnız 6 GB RAM + 128 GB daxili yaddaş versiyalı modelə aiddir. Sonuncu dəfə biz bu cür RAM və daxili yaddaş göstəricisini OnePlus 3T modelində görmüşdük. Smartfon Android 8.1 əməliyyat sistemi vasitəsilə çalışacaq.