OnePlus 6T'nin ilk fotosu sızdırıldı
Elm & Texnologiya
07.09.2018
Farid Pardashunas
Bir neçə gün bundan öncə OnePlus 6T flaqman modelinin
qutusunun fotosu yayılmışdı. Bugün isə smartfonun özünün fotosu təqdim olunub.
Beləliklə yayılmış ilk foto hələ təqdimatı keçirilməmiş smartfonun necə görünəcəyi
barəsində tam məlumat verir. Qırmızı rəngli korpusa sahib OnePlus 6T modelinin
fotosu Weibo sosial şəbəkəsinin istifadəçilərindən biri tərəfindən paylaşılıb.
Nazik çərçivələrə sahib olan çərçivəsiz smartfon yuxarı hissədə V şəkilli ekran
çıxıntısına sahibdir. Həmin çıxıntı hissənin daxilində isə smartfonun ön
kamerası yerləşir. Əvvəlcədən güman olunduğu kimi smartfonun arxa panelində 3 ədəd
kamera yerləşəcək. İşıqlandırma sistemi arxa paneldə görünmür. Lakin təqdim
olunmuş fotodakı smartfonun sağ hissəsi gizlədilib. Çox güman ki, işıqlandırma sistemi məhz həmin hissədə yerləşəcək. Arxa paneldə həmçinin barmaq izi skanı
texnologiyası da görünmür.
Bir neçə müddət bundan öncə yayılmış məlumatlarda
qeyd olunmuşdu ki, OnePlus 6T modeli ekrana inteqrasiya olunmuş barmaq izi
skanı texnologiyasına sahib olacaq. Yayılmış ilk foto da bu məlumatı təsdiqləyir.
Smartfonun texniki göstəriciləri barəsində dəqiq bir məlumat yoxdur. Güman
olunur ki, OnePlus 6T mdoeli 8 nüvəli Snapdragon 845 prosessoru, 6/8 GB RAM və
256 GB-a kimi daxili yaddaş ilə təchiz olunacaq. Bir sıra insayderlərin məlumatlarına
əsasən OnePlus 6T-nin təqdimatı 20 və ya 21 Noyabr tarixində keçiriləcək.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək