OnePlus 6T'nin qiyməti və texniki göstəriciləri sızdırıldı
Elm & Texnologiya
13.09.2018
Emil Nəcəfov
İnternetdə, hələ təqdim olunmamış OnePlus 6T smartfonu barəsində
məlumatlar ortaya çıxmağa davam edir. Bir neçə müddət bundan əvvəl artıq şirkət
təsdiq etmişdi ki, yeni modeldə barmaq izi skanı tenxologiyası birbaşa ekrana
inteqrasiya olunacaq. Bundan əlavə olaraq şirkət həmçinin yeni smartfon
modelinin 11 Oktyabr tarixində təqdim olunacağına işarə etmişdi. İndi isə
sözügedən smartfon online mağazalardan birinin saytında qeyd olunub. Həmin
saytda smartfonun qiyməti və onun texniki göstəriciləri əks olunub. Giztop adlı
mağazanın saytındakı məlumatlara əsasən OnePlus 6T 19:9 nisbətli 6.4 inç ekrana
sahib olacaq. Ekranın üzərində isə V şəkilli çıxıntı hissə yerləşəcək. Keçmiş
modellərdən fərqli olaraq OnePlus 6T 25 MP-lik ön kamera ilə təchiz olunacaq.
Arxa paneldə isə üçlü arxa kamera yerləşəcək. Onlardan biri 20 MP, digəri 12 MP
olacaq. Üçüncü kamera isə ToF modulu olacaq və onun sayəsində yaxşı
işıqlandırılmamış mühitdə çəkilmiş fotoların keyfiyyətinin yüksəlməsini
reallaşdırmaq mümkün olacaq. Əsas texniki göstəricilərə gəldikdə isə OnePlus 6T
8 nüvəli Snapdragon 845 prosessoru, 6/8 GB RAM, 64/128/256 GB daxili yaddaş və
3500 mAh enerji tutumlu batareya ilə təchiz olunacaq. Bundan əlavə olaraq
smartfon OxygenOS interfeysli Android 9.0 Pie əməliyyat sistemi vasitəsilə
çalışacaq. 6 GB RAM və 64 GB daxili yaddaşa sahib versiya 569$-a satılacaq. Təbii
ki, bütün bu məlumatlar hələki rəsmi təsdiq tapmayıb. Buna görə də təqdim
olunmuş məlumatlara bir qədər şübhə ilə yanaşmaq lazımdır.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!