OnePlus 7 dünyanın ilk 5G smartfonu ola bilər

    OnePlus şirkəti bir neçə müddət bundan öncə OnePlus 6 modelini satışa çıxartdı və həmin model həm tənqidçilər həmdə istifadəçilər tərəfindən yaxşı qarşılandı. Bu ilin əvvəlində şirkət bildirmişdi ki, OnePlus 6T yalnız o halda satışa çıxacaq ki, şirkət yetəri qədər yeni texnologiyalara sahib olsun. Lakin görünür, şirkət əsas gücünü OnePlus 7 modelinə verib.

    Belə ki, sözügedən model 5G mobil şəbəkə standartına sahib ilk smartfon ola bilər. Hal hazırda Çində keçirilən MWCS 2018-də (Mobile World Congress Shanghai) OnePlus şirkətinin CEO-su bildirib ki, onlar 5G smartfonu gələn ilə satışa çıxartmağı planlaşdırırlar. Çox güman ki, söhbət OnePlus 7 modelindən gedir. Smartfonun digər mümkün olan özəllikləri barəsində məlumat verilmir. OnePlus 7 modelinin ilk 5G smartfon olma ehtimalı OnePlus ilə Qualcomm arasındakı uzun illər ərzində sürən əməkdaşlıq səbəb ola bilər.