OnePlus 7T Pro və 7T Pro McLaren Edition təqdim olunublar - QİYMƏTİ

OnePlus 7T Pro və 7T Pro McLaren Edition təqdim olunublar - QİYMƏTİ

Texnologiya
11.10.2019 PAYLAŞIM

    Londonda keçirilmiş təqdimat tədbiri çərçivəsində OnePlus şirkəti OnePlus 7T Pro-nu və onun xüsusi versiyası olan OnePlus 7T Pro McLaren Edition-u təqdim edib. Bununla yanaşı təqdimat zamanı sentyabr ayının sonunda Hindistanda təqdim edilmiş OnePlus 7T-nin Avropa bazarındakı qiyməti də açıqlanıb. Bu barədə 4pda saytı xəbər verib. Əvvəlcədən də güman edildiyi kimi OnePlus 7T Pro modeli bu il satışa çıxmış OnePlus 7 Pro-nun bir qədər təkmilləşdirilmiş versiyası olub. Belə ki, yeni smartfon modelində dəyişiklik o qədər də çox deyil.


    Xarici görünüşcə smartfonlar heç də fərqlənmirlər. Əsas dəyişikliklər isə texniki göstəricilərə aiddir. Beləliklə OnePlus 7T Pro modeli Snapdragon 855-in yerinə daha güclü olan Snapdragon 855 Plus prosessorunu əldə edib. OnePlus 7T Pro-nu adi OnePlus 7 Pro-dan fərqləndirən daha bir özəllik ondan ibarətdir ki, yeni smartfon həmçinin 23% daha sürətli olan WARP Charge 30T şarj texnologiyasını əldə edib. Smartfonun kameraları da dəyişilməz olaraq qalıb. Əsas yenilik ondan ibarətdir ki, OnePlus 7T Pro modeli həmçinin 2.5 sm məsafədən fokuslanma özəlliyinə sahib makroçəkiliş rejimini, videoçəkiliş zamanı yaxşılaşdırılmış stabilizasiya sistemini və ultragenişbucaqlı obyektiv üçün gecə çəkilişi rejimini əldə edib.

    Əsas texniki göstəricilərə gəldikdə isə smartfon HDR10+ dəstəkli 6.67 düym Fluid AMOLED ekran, Adreno 640 qrafik sürətləndirici, 8 GB RAM, UFS 3.0 standartlı 256 GB daxili yaddaş həcmi, 48 MP (f/1.6 diafraqmalı, OIS + EIS) + 8 MP (f/2.4 diafraqmalı, 3 qat optik zoom) + 16 MP (f/2.2 diafraqmalı) üçlü arxa kamera, 16 MP-lik (f/2.0 diafraqmalı) ön kamera, 4085 mAh enerji tutumlu batareya və ekrana inteqrasiya edilmiş barmaq izi skanı texnologiyası ilə təchiz olunub. Smartfon OxygenOS 10 interfeysli Android 10 əməliyyat sistemi vasitəsilə çalışır.

    OnePlus 7T McLaren Edition modelinə gəldikdə isə o, bu seriyada ənənəvi olaraq qara rəngdə gövdəyə və narıncı rəngdə nazik çərçivələrə sahibdir. Bu modeli adi OnePlus 7T Pro-dan fərqləndirən əsas özəllik ondan ibarətdir ki, o, 12 GB RAM göstəricisinə sahibdir. Digər göstəricilər baxımından isə smartfonlar eynidirlər. OnePlus 7T Pro modeli 17 oktyabr tarixində OnePlus 7T Pro McLaren Edtion modeli isə 5 noyabr tarixində satışa çıxacaq. OnePlus 7T Pro 699 avroya (865$), OnePlus 7T Pro McLaren Edition isə 799 avroya (989$) satılacaq. Adi OnePlus 7T modelinə gəldikdə isə o da 17 oktyabr tarixində satışa çıxacaq və 549 avro (679$) qymətində satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Naqilsiz yeni Redmi Buds 4 və Buds 4 Pro qulaqlıqları təqdim edilib - QİYMƏTİ..

Redmi brendi 2 ədəd yeni naqilsiz qulaqlığı təqdim edib. Söhbət, Redmi Buds 4 və Buds 4 Pro qulaqlar..


Yeni Xiaomi Mi Band 7 smart qolbağı təqdim edilib - QİYMƏTİ

Redmi brendi Redmi Note 11T Pro və Note 11T Pro+ smartfonlarından əlavə olaraq çoxdan gözlənilən Mi ..


Apple öz cihazlarında fiziki düymələrdən imtina etməyi planlaşdırır

Görünür, Apple şirkəti öz cihazlarında fiziki düymələrdən imtina etməyi planlaşdırır. Şirkətin yeni ..


Snapdragon 8+ Gen 1 və flaqman özəlliklərə sahib Snapdragon 7 Gen 1 prosessorlar..

Qualcomm şirkəti keçirtmiş olduğu xüsusi təqdimat tədbiri çərçivəsində yeni Snapdragon 8+ Gen 1 flaq..


Hələ təqdim olunmamış Xiaomi Mi Band 7 smart qolbağı internet mağazalarının biri..

Xiaomi Mi Band 6 smart qolbağı Çində keçən ilin aprel ayının əvvəlində təqdim edilmişdi...


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..

×