
OnePlus 8 barəsində yeni rəsmi məlumatlar verilib
Elm & Texnologiya
11.03.2020
OnePlus şirkətinin CEO-su Pete Lau ABŞ-ın Cnet saytına müsahibə verib. Öz müsahibəsi çərçivəsində o, təqdim olunacaq OnePlus 8 smartfon seriyası barəsində bəzi məlumatları da qeyd edib. Beləliklə Pete Lau-nun sözlərinə əsasən OnePlus 8 və OnePlus 8 Pro smartfon modelləri 5G modem ilə təchiz olunacaqlar. Bu səbəbdən hər iki smartfon əvvəlki modellər ilə müqayisədə daha baha qiymətə satılacaqlar. Qeyd etmək lazımdır ki, OnePlus 7T-nin satışı 600$ qiymətində, OnePlus 7T Pro-nun satışı isə 870$ qiymətində başlamışdı.
Pete Lau smartfonların digər özəllikləri barəsində məlumat verməyib. Lakin artıq dəqiqdir ki, hər iki smartfon modeli 120 Hz-lik təsvir yenilənməsinə sahib AMOLED ekran və Snapdragon 865 prosessoru ilə təchiz olunacaq. OnePlus 8 smartfon seriyasının təqdimatı artıq gələn ay baş tutmalıdır. Gözləntilərə əsasən təqdimat tədbiri 14 aprel tarixində keçiriləcək. Qeyd etmək lazımdır ki, şirkət həmçinin OnePlus 8 Lite modeli üzərində də çalışır. Son məlumatlara əsasən həmin model yay fəslində təqdim olunacaq.
Bənzər xəbərlər
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
Ən çox oxunanlar