main-post-cover

    OnePlus 8 Pro'nun texniki götəriciləri barəsində məlumat verildi

    Elm & Texnologiya
    11.11.2019
    Emil Nəcəfov
        Teme ləqəbli insayder OnePlus 8 Pro-nun texniki göstəriciləri barəsində məlumat verib. Verilmiş məlumat sızıntısına inansaq, OnePlus 8 Pro modeli 2K keyfiyyətli 6.7 düym AMOLED ekran ilə təchiz olunacaq. Ekran üzərində ön kamera üçün nəzərdə tutulmuş kiçik dairəvi hissə yerləşəcək və təsvirin 120 Hz tezlikli yenilənməsini dəstəkləyəcək. Bu barədə Gagadget saytı xəbər verib.
        Smartfon həmçinin 5G modemi özündə birləşdirəcək Snapdragon 865 prosessoruna, 8/12 GB RAM-a və 256 GB daxili yaddaş həcminə sahib olacaq. Bununala yanaşı OnePlus 8 Pro modeli Warp Charge adlı sürətli şarj texnologiyalı 4100 mAh və ya daha böyük batareya həcmi ilə təchiz oluna bilər. Smartfonda 4 arxa kameranın olacağı gözlənilir. OnePlus 8 Pro adi OnePlus 8 ilə birlikdə gələn ilin ikinci rübündə təqdim olunmalıdır. Smartfon Avropada təqribi olaraq 900 avroya satılacaq.
    Linki kopyala