![main-post-cover](/_next/image?url=https%3A%2F%2Fstatic.technote.az%2Fmedia%2Fupload%2Foneplus-buds-pro-2-lite-adli-yeni-naqilsiz-qulaqliq-teqdim-edilib3909.jpg&w=3840&q=75)
OnePlus Buds Pro 2 Lite adlı yeni naqilsiz qulaqlıq təqdim edilib
Elm & Texnologiya
07.03.2023
Emil Nəcəfov
OnePlus şirkəti OnePlus Ace 2V smartfonu ilə yanaşı həmçinin yeni naqilsiz qulaqlığını da təqdim edib. Söhbət, OnePlus Buds Pro 2 Lite-dan gedir. Adında Lite sözünün olmasına baxmayaraq o, Buds Pro 2-dən heç də geri qalmır. Bununla belə yeni qulaqlıq daha ucuz qiymətə satılır. Xarici görünüşcə yeni qulaqlıq Buds Pro 2-dən heç fərqlənmir. Buds Pro 2 kimi Lite versiya da aşağı tezlikli 11 mm-lik səsgücləndiricilər ilə təchiz olunub. Qulaqlıq həmçinin ətraf səs-küyün aktiv boğulması funksiyasına sahibdir. Onun sayəsində Buds Pro 2 Lite modeli ətraf səs-küyü 48 dB-ə (desibel) kimi boğa bilir.
![](https://s3.eu-central-1.amazonaws.com/technote-files/media/upload/images/372Nn1JB6sbya86Ap4uBIdr09Gdi.png)
Üstəlik qulaqlıqda şəffaf rejim də reallaşdır;lıb. Onun sayəsində istifadəçi ətraf mühitdəki səsləri qulaqlıqları çıxartmadan eşidə bilər. Buds Pro 2 Lite modelinin orijinal modeldən fərqi ondadır ki, yeni qulaqlıq naqilsiz şarj texnologiyasına və baş hissəsinin vəziyyətini təyin etmə imkanına sahib deyil. Digər bütün özəlliklər baxımdan qulaqlıqlar eynidirlər. Buds Pro 2 Lite ətraf səs-küyün aktiv boğulması funksiyasının aktiv olduğu halda 6 saat ərzində, bu funksiyanın deaktiv olduğu halda isə 9 saat ərzində çalışa bilir. Şarj keysi hesabına qulaqlığın ümumi çalışma müddəti 39 saat təşkil edir. Buds 2 Pro Lite modeli Çində 115$ qiymətində satışa çıxıb. Onun qlobal bazarda satılıb-satılmayacağı bilinmir.
Linki kopyala
Bənzər xəbərlər
Oxşar xəbərlər
Həftənin xəbərləri
![iPhone Plus-ı əvəz edəcək iPhone 17 Slim-in özəllikləri açıqlanıb](/_next/image?url=https%3A%2F%2Fstatic.technote.az%2Fmedia%2Fposts%2Fthumbnail%2Fiphone-17-slim-main-1280x720.jpeg&w=3840&q=75)
![Qalaktikamızın mərkəzində nadir tapılan yeni qara dəlik kəşf edilib!](/_next/image?url=https%3A%2F%2Fstatic.technote.az%2Fmedia%2Fposts%2Fthumbnail%2FBlack-Hole-Forming-in-Stellar-Cl.jpeg&w=3840&q=75)