main-post-cover

    OnePlus Pad Go planşetinin ilk tizer fotosu paylaşılıb

    Elm & Texnologiya
    14.09.2023
    Farid Pardashunas
        OnePlus şirkətinin Hindistan üzrə şöbəsi X-dəki (keçmiş Twitter) hesabında şirkətin yeni planşetinin ilk tizer fotosunu təqdim edib. Söhbət, OnePlus Pad Go adlı planşetdən gedir. Qeyd etmək lazımdır ki, son günlərdə OnePlus şirkətinin bu ada sahib yeni planşet üzərində çalışdığı barəsində artıq məlumatlar ortaya çıxıb. OnePlus Pad Go büdcəli seqmentə daxil olacaq bir planşet olacaq və ilin əvvəlində təqdim edilmiş OnePlus Pad modelinin sadələşdirilmiş versiyası rolunda çıxış edəcək. Planşetin texniki göstəriciləri, təqdimatı və satış müddəti barəsində heç bir məlumat yoxdur. Daha öncəki məlumat sızıntılarında qeyd edilmişdi ki, OnePlus Pad Go 2024-cü ilin əvvəlində təqdim oluna bilər. Lakin şirkətin artıq indidən planşetin tizer fotosunu təqdim etməsi onun yaxın zamanda təqdim olunacağına işarə edir.
    Linki kopyala

    Bənzər xəbərlər

    Oxşar xəbərlər