OPPO öz yeni flaqman smart saatını təqidm etməyə hazırlaşır

    Son zamanlarda olmuş məlumat sızıntılarından sonra OPPO şirkəti öz yeni flaqman smart saatının tizer materiallarını paylaşmağa başlayıb. Söhbət, OPPO Watch 4 Pro-dan gedir. Şirkət tərəfindən təqdim edilmiş rəsmi tizer materiallara əsasən OPPO Watch 4 Pro smart saatı Snapdragon 5W Gen 1 və BES 2700 prosessorlarına sahib olacaq. Birinci prosessor smart saatın performansından, ikinci prosessor isə Low-Power Mode rejimindən cavabdeh olacaq. Üstəlik smart saat özündə Always-on-Display funksiyalı LTPO ekranı birləşdirəcək. Son məlumat sızıntılarına əsasən OPPO Watch 4 Pro eSIM dəstəyinə sahib olacaq və 570 mAh enerji tutumlu batareya ilə təchiz olunacaq. Smart saatın bu ayın sonunda təqdim olunacağı gözlənilir.