Patentlər əsasında Apple elektromobilinin ilk 3D modeli yaradılıb

Patentlər əsasında Apple elektromobilinin ilk 3D modeli yaradılıb

Texnologiya
12.11.2021 PAYLAŞIM

    Vanarama şirkətinin avtomobillər üzrə mütəxəssisləri Apple şirkətinin nəqliyyat məsələsi ilə bağlı patentlərini analiz edərək potensial Apple Car elektromobilinin 3D modelini yaradıblar. Rəsmi patent sənədlərinə istinad edərək mütəxəssislər Apple şirkətinin potensial elektromobilinin xarici və daxili dizaynının necə görünə biləcəyini sərgiləyiblər. Beləliklə Apple Car-ın yaradılmış 3D modeli sözsüz ki, Tesla Cybertruck-dan ilhamlanıb. Yaradılmış 3D modeldəki elektromobil şüşə materialdan hazırlanmış vahid örtüyə sahibdir. Bu cür şüşə örtük US10384519B1 nömrəli patent əsasında yaradılıb. Sözügedən patent şüşə panellərin ayrılmalarına ehtiyac duymadan avtomobil modelinin yaradılmasını təsvir edir.


    Bununla yanaşı 3D modeldə adaptiv qapılar reallaşdırılıb. Elektromobildə Apple şirkətinin brendlərini əhatə edən dizayn özəllikləri mövcuddur. Məsələn onun ön tərəfindən Mac Pro dizaynını xatırladan qəfəs konstruksiyası mövcuddur. Elektromobil hərəkətli qapı tutacaqlarına sahibdir. Elektromobilin salonunda böyük ölçülü sensorlu panel yerləşdirilib və həmin panel salonun ön hissəsini tamamilə əhatə edir. Sözügedən sensorlu panel US20200214148A1 nömrəli patent əsasında hazırlanıb. Məlumat və əyləncə sistemi Apple şirkətinin proqram təminatı əsasında qurulub.

    Siri isə səyahət zamanı sürücünün intellektual köməkçisi rolunda çıxış edir. Sükanın mərkəzində daha bir sensorlu ekran mövcuddur. Məlumatda qeyd edilib ki, Apple şirkətinin əvvəlki patentləri məhsulun yekun xarici görünüşü barəsində çox az məlumatlar verirlər. Lakin Vanarama şirkətinin mütəxəssislərinin hazırladıqları 3D model Apple şirkətinin gələcəkdəki elektromobilinin necə görünə biləcəyini sərgiləyən ilk 3D modeldir. Qeyd etmək lazımdır ki, Apple elektromobil layihəsi barəsində hələ heç bir fikir bildirməyib. Ortaya çıxmış son məlumatlara əsasən şirkət elektromobil istehsalı məsələsində bir sıra avtomobil şirkəti ilə müzakirələr aparır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Snapdragon 8 Gen 1 prosessorlu smartfonların ön kameraları daimi şəkildə aktiv o..

Snapdragon 8 Gen 1 prosessoruna sahib olacaq smartfonların ön kameraları daimi şəkildə aktiv olacaql..


Alimlər duz dənəciyi ölçüsündə rəngli HD kamera yarada biliblər

Prinston və Vaşinqton Universitetlərindən olan alimlər duz dənəciyi ölçüsündə kamera yarada biliblər..


Yeni Snapdragon 8 Gen 1 flaqman mobil prosessoru təqdim olunub

Baş vermiş çoxlu sayda məlumat sızıntısından sonra Qualcomm şirkəti sonunda özünün yeni flaqman pros..


Çindən olan kriptovalyuta maynerləri Qazaxıstanda elektrik enerjisi kəsintilərin..

2021-ci ilin əvvəlindən başlayaraq Çin hökuməti Çində kriptovalyuta mayninqi ilə mübarizə aparmağa b..


Alimlər öz kopyalarını istehsal edə bilən və PacMan-a bənzəyən bioloji ksenobotl..

Beynəlxalq alimlər komandası mikroskopik ölçüdə olan canlı orqanizmlər yarada biliblər. Yaradılmış o..


Apple bəzi cihazları üçün nəzərdə tutulmuş naqilsiz şarj stansiyasını təqdim edə..

Bloomberg saytının verdiyi məlumata əsasən Apple şirkəti AirPower adlı naqilsiz şarj stansiyasından ..

×