Playstation 4\'ün sistemi qırıldı?

2 ildir bazarda olan Playstation 4 üçün ilk ciddi sistem qırılması (jailbreak) hadisəsi yaşandı. CTurt adlı C proqramçısı Twitter hesabı üzərinden Playstation 4 sisteminə Kernel səviyyəsindən giriş etdiyini açıqladı. 

Jailbreak ən sadə yolla izah etsək, proqramistlərin DRM (Digital Rights Management), yəni rəqəmsal hüquqlar idarəsini keçib lisenziyasız və ya illegal proqramları cihazda işlədə bilməsi anlamına gəlir. Bunu edə bilmək üçün isə kernel səviyyəsinə giriş olmalıdır. Kernel səviyyəsinə giriş olduqdan sonra xüsusi kodlama sistemə yüklənir və pirat məhsullar istifadə oluna bilinir.
CTurt tərəfindən davam etdirilən proses Playstation 4'ün 1.76 versiyasında işləyəcək vəziyyətdədir. Amma indiki sistemin 3.11 versiyası ilə işlədiyini nəzərə alsaq komandanın önündə hələ çox yol var. 1.76 versiyası yüklü olan konsolların isə The Last of Us paketli modellər olduğu deyilir. Bu sistemin piratlaşdırılması ilə bağlı ilk addım olsa da, dəqiqləşmiş versiya sayıla bilməz. Çünki Playstation 3 dönəmindən də bildiyimiz kimi pirat dəstəkli kodlar sadəcə bir versiyada işləyirdi. Onların üzərinə yeni versiya yazdıqda həmin xüsusiyyətlər də itirdi.