Prezentasiyaların hazırlanması və sərgilənməsi üçün nəzərdə tutulmuş Microsoft PowerPoint tətbiqinin yaradıcılarından biri olan Dennis Austin 1 sentyabr tarixində 76 yaşında vəfat edib. Proqram təminatı tərtibatçısı karyerasına start verməmişdən öncə Austin Massaçusets Texnologiya İnstitutunda və Kaliforniya Universitetində mühəndislik peşəsi üzrə təhsil almışdı. Nəticədə o, Forethought adlı şirkətə qoşulmuş və öz iş yoldaşları ilə birlikdə PowerPoint tətbiqini yaratmışdı. Sözügedən tətbiq ilk dəfə 1987-ci ildə istifadəyə verilmişdi.

    İstifadəyə verildiyi andan bir neçə ay sonra isə Microsoft sözügedən şirkəti 14 milyon dollara almışdı. Austin öz növbəsində 1985-ci ildən 1996-cı ilə kimi PowerPoint-in əsas tərtibatçısı vəzifəsində çalışıb. 1996-cı ildə isə o, təqaüdə çıxıb. Hal hazırda PowerPoint tətbiqi Microsoft-un ofis tətbiqlərinin əsas elementlərindən biridir. Bir neçə müddət bundan öncə isə şirkət ona Copilot adlı süni zəka alətini əlavə etdi. Copilot adlı süni zəka aləti PowerPoint çərçivəsində prezentasiyaları tərtib və prezentasiyalardakı mətnləri redaktə edə bilir. Bu isə öz növbəsində prezentasiyaların tərtib edilməsi prosesini daha effektiv edir.