Proqramçılardan təhsil ödənişini maaşlarından alan məktəb

    Bu halda təhsil almış şəxsin illik gəliri 50.000$-dan az olmamalıdır. Əks halda isə təhsil ödənişi ümumiyyətlə alınmayacaq. Bu barədə VentureBeat saytı xəbər verib. Lambda School tələbələrə 3 variantda təhsil ödənişini təqdim edir. Birinci variant 20.000$ dəyərində olan ənənəvi beh ödənişidir. İkinci variant 10.000$ beh ödənişi və il ərzində 17% ödənişi (il ərzində 15.000$-dan çox olmamaqla) əks etdirir. Üçüncü variant isə ümumiyyətlə beh ödənişi tələb etmir. Lakin təhsilin bitməsindən sonra 2 il ərzində 17% ödəniş olmalıdır

    Nəticədə tələbələrin 90%-i ikinci və üçüncü variantları seçib. Hər iki razılaşmada faiz ödənişi yalnız illik gəliri 50.000$-dan az olmayan məzunlar üçün keçərlidir. Yəni nəzəri cəhətdən əgər hansısa məzun nəticə etibarilə iş tapa bilməsə o heç bir vəsait ödəməyəcək. Və əgər hansısa məzun olmuş şəxs anidən işini itirsə və ya onun illik gəliri 50.000$-dan aşağı olsa o, faizlə ödəniş razılığını dayandıra bilər.

    Lakin illik 50.000$ qazanaın tələbə hər ay Lambda School-a 708$ vəsait ödəməlidir. Bu, adi kollecdə təhsil haqqından bir qədər çoxdur. ABŞ Federal Rezerv-in məlumatlarına əsasən tələbə kreditinin ortalama ödəniş haqqı 203$ təşkil edir. Lambda School-un əsas ideyası ondan ibarətdir ki, əgər tələbə yüksək maaşdan imtina edirsə o öz təhsilinə görə olan borcundan da tez bir zamanda canını qurtara bilər.