Bir neçə müddət bundan öncə məlumat ortaya çıxmışdı ki, Qualcomm şirkəti Snapdragon 8+ Gen 2 prosessorunun təqdimatından imtina edib. Güman olunurdu ki, onu Snapdragon 8 Gen 2 for Galaxy əvəz edəcək. Qeyd etmək lazımdır ki, Snapdragon 8 Gen 2 for Galaxy versiyası adi Snapdragon 8 Gen 2-nin bir qədər sürətləndirilmiş versiyasıdır. Lakin məsələ burasındadır ki, Snapdragon 8 Gen 2 for Galaxy versiyası yalnız Samsung-un flaqman smartfonları üçün nəzərdə tutulub. İnsayderlərin verdikləri yeni məlumata əsasən Qualcomm Snapdragon 8+ Gen 2 prosessorunu bu il təqdim edəcək. Məlumatda qeyd edilib ki, yeni prosessoru əldə edəcək ilk smartfon OnePlus Ace 2 Pro ola bilər. Snapdragon 8+ Gen 2-nin nə zaman təqdim ediləcəyi barəsində bir məlumat verilməyib.