Snapdragon Tech Summit 2022 tədbiri çərşivəsində Qualcomm şirkəti naqilsiz qulaqlıqlar üçün nəzərdə tutulmuş 2 yeni prosessorunu təqdim edib. Söhbət, Qualcomm S5 Gen 2 və S3 Gen 2 prosessorlarından gedir. Sözügedən prosessorlar istifadəçinin baş nahiyəsinin istiqamətlənmə vəziyyətinin təyinini, ətraf səs-küyün adaptiv boğulması funksiyasını və digər faydalı texnologiyaları dəstəkləyirlər. Hər iki prosessor Snapdragon 8 Gen 2 prosessoru ilə təchiz olunmuş smartfonlarda çalışmaq üçün optimizasiya edilib. Bundan əlavə olaraq bu yeni prosessorlar Snapdragon Sound texnologiyasının dəstəyinə sahibdirlər.

Bənzər xəbər

Intel 5 Ghz-i keçən yeni 10.nəsil Comet Lake-S prosessorlarını təqdim etdi

    Onlar naqilsiz səsgücləndiricilərə, qulaqlıqlara və orta qiymət kateqoriyasına daxil olan cihazlara quraşdırılmaq üçün nəzərdə tutulublar. Prosessorlar Bluetooth 5.3 texnologiyasını dəstəkləyirlər, FLAC formatlı səsin yayımını keyfiyyət itkisi olmadan reallaşdırırlar və danışıq keyfiyyətini təkcə telefon danışıqları zamanı deyil, həmçinin oyun streaming-i zamanı da təmin edirlər. Qualcomm-un verdiyi məlumata əsasən Qualcomm S5 Gen 2 və S3 Gen 2 prosessorları özlərində ətraf səs-küyün aktiv boğulması funksiyasını birləşdirirlər. Hal hazırda sözügedən yeni prosessorlar test mərhələsindədirlər. Onlara sahib ilk audio cihazlar gələn ilin ikinci yarısında satışa çıxacaqlar.