Qualcomm şirkəti smartfon ekranları üçün yeni nəsil barmaq izi skanı texnologiyasını təqdim etdi

Qualcomm şirkəti smartfon ekranları üçün yeni nəsil barmaq izi skanı texnologiyasını təqdim etdi

Texnologiya
04.12.2019 PAYLAŞIM

    Yeni Snapdragon prosessor modellərindən əlavə olaraq Qualcomm şirkəti öz təqdimat tədbiri çərçivəsində həmçinin smartfonlar üçün nəzərdə tutulmuş və ultrasəs texnologiyası əsasında hazırlanmış yeni nəsil barmaq izi skanı texnologiyasını da təqdim etdi. 3D Sonic Max adlı yeni nəsil barmaq izi skanı texnologiyasının əsas üstünlüyü isə ekran üzərində daha geniş sahəni əhatə etməsindədir. Yeni barmaq izi skanı texnologiyası əvvəlki model ilə müqayisədə smartfon ekranını 17% daha çox əhatə edə bilir. Eyni anda iki barmaq izinin skan funksiyası üçün nəzərdə tutulmuş modul həmçinin öz ölçüsü ilə diqqət çəkir. Belə ki, həmin modul hətta ən nazik smartfonlara da quraşdırıla bilər.


    Bu barədə Engadget saytı xəbər verib. Qualcomm 3D Sonic Max-ın sahəsi 600 kvadrat millimetr təşkil edir. Bu cür ölçü hesabına 3D Sonic Max istifadəçi barmağının izini birinci cəhddə təyin etməyi bacarır. Beləliklə istifadəçi bu funksiyadan ilk dəfə istifadə edən zaman öz barmağını dəfələrlə ekran üzərinə toxundurmaya biləcək. Məlumatda qeyd edilib ki, eyni anda iki barmaq izinin skan olunması özəlliyi isə bu tenxologiyanın təhlükəsizliyini yeni səviyyəyə yüksəldir.

    Verilmiş məlumata əsasən yeni nəsil barmaq izi skanı tenxologiyasının istifadəsi zamanı səhvin baş vermə ehtimalı orta statistik göstəricidə milyonda birə, istehlakçı smartfonlarda isə 500.000-də birə bərabərdir. Optik texnologiyalardan fərqli olaraq ultrasəs texnologiyası əsasında hazırlanmış barmaq izi skanı texnologiyası barmaq izinin fotosunu deyil onun strukturunu təyin edir. Bu cür barmaq izini saxtalaşdırmaq çox çətindir və bu texnologiya hətta istifadəçi barmağının yaş olduğu zaman da onun barmaq izini təyin edə bilir.

    3D Sonic Max nazik membran texnologiyası əsasında hazırlanıb. Onun barmaq izi skanı ötürücüsünün qalınlığı 0.15 mm təşkil edir. Məlumatların emalı isə proqram təminatı ilə deyil aparat təminatı ilə aparılır. Bu isə öz növbəsində barmaq izi skanı texnologiyasını daha təhlükəsiz edir. Qualcomm 3D Sonic Max texnologiyasının istehsalına gələn il start veriləcək. Bu texnologiyanı ilk əldə edəcək smartfonlar barəsində hələki heç bir məlumat verilməyib.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Hələ təqdim olunmamış Xiaomi Mi Band 7 smart qolbağı internet mağazalarının biri..

Xiaomi Mi Band 6 smart qolbağı Çində keçən ilin aprel ayının əvvəlində təqdim edilmişdi...


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..


Apple şirkətinin qarışıq reallıq cihazı barəsində yeni məlumatlar verilib..

Hələ 2015-ci ildən internetdə Apple şirkətinin yeni məhsulu barəsində məlumatlar ortaya çıxır. ..


ABŞ-ın hərbi tibb işçiləri üçün süni zəka texnologiyalı AR cihaz hazırlanacaq..

ABŞ Müdafiə Nazirliyinin perspektivli tədqiqat layihələri üzrə idarəsi (DARPA) Raytheon BBN adlı şir..


Google Pixel 7 və 7 Pro smartfonlarını, Pixel Watch smart saatını və Pixel planş..

I/O 2022 konfransı çərçivəsində Google şirkəti Pixel 6a smartfonunu və naqilsiz Pixel Buds Pro qulaq..


Google xarici dili tərcümə edərək altyazı formatında istifadəçiyə ötürən yeni AR..

Google I/O 2022 konfransı artıq start götürüb və şirkət sözügedən konfrans çərçivəsində yeni innovat..

×