main-post-cover

    Qualcomm-un yeni məhsullarının təqdimat cədvəli sızdırıldı: Snapdragon 875G nə vaxt gələcək?

    Elm & Texnologiya
    16.07.2020
    Emil Nəcəfov
        Snapdragon 865 Plus prosessorunun təqdimatından 1 həftə sonra insayderlər Qualcomm şirkətinin təqdim olunacaq yeni məhsullarının cədvəlini əldə ediblər. Bu məlumat sızıntısı vasitəsilə Snapdragon 875G flaqman prosessorunun və şirkətin digər modellərinin nə zaman təqdim olunacaqları məlum olub. Bu barədə Gizmochina saytı xəbər verib. Qualcomm şirkətinin bu cədvəlini çinli insayderlərdən biri Weibo sosial şəbəkəsində paylaşıb. Fotoya əsasən bu ilin dördüncü rübündə şirkət orta və ultrabüdcəli smartfonlar üçün nəzərdə tutulmuş Snapdragon 662 Snapdragon 460 modellərini təqdim edəcək.
        Snapdragon  875G flaqman prosessor modeli 2021-ci ilin əvvəlində büdcəli Snapdragon 435G seriyası ilə birlikdə istifadəyə veriləcək. Gələn ilin ikinci rübünün əvvəlində və ya sonunda şirkət Snapdragon 735G modelini təqdim etməyi planlaşdırır. Gözləntilərə əsasən Snapdragon 875G və Snapdragon 735G prosessorlarının performans göstəriciləri əvvəlki modellərdən 10% yüksək, enerji sərfiyyatları isə 20% aşağı olacaq. 
    Linki kopyala