Redmi brendinin rəhbəri Redmi K30 Pro'nun təqribi qiymətini açıqladı
Elm & Texnologiya
10.09.2019
Emil Nəcəfov
Bir neçə müddət bundan öncə Redmi brendinin rəhbəri Liu Weibing bildirmişdi ki, Redmi K30 smartfon modeli Redmi brendinin 5G dəstəkli ilk smartfon modeli olacaq. Liu Weibing sözügedən smartfon barəsində yenə danışıb və bildirib ki, o demək olar hazırdır. Bununla yanaşı o, smartfonun təqribi qiymət göstəricisinə də işarə edib. Beləliklə Redmi brendi bazarda 5G dəstəkli ən büdcəli smartfonlardan birini təqdim edəcək. Bu barədə Gizchina saytı xəbər verib.
İstifadəçilərdən biri Çinin Weibo sosial şəbəkəsində Liu Weibing-ə belə bir sual verib: “Redmi K30-un 281$-dan aşağı qiymətə satılacağını gözləmək olarmı?”. Liu Weibing isə suala tam dəqiq cavab verməyərək bildirib ki, 5G texnologiyası hələ bahalı olan bir texnologiyadır və çətin ki, şirkət həmin qiymət göstəricisindən aşağısına sahib bir smartfon təqdim edə bilsin. Redmi brendinin rəhbəri bildirib ki, Redmi K30 Pro modeli qiymət və keyfiyyət arasındakı balans əsasında hazırlanıb.
Bu həqiqətən də belədir. Nəzərə alsaq ki, hal hazrda 5G dəstəkli smartfonun ortalama qiyməti 500$-dır, Redmi K30 Pro modeli bu qiymətdən aşağı qiymət göstəricisinə sahib olacaq. Qeyd etmək lazımdır ki, Redmi K30 Pro modeli 5G dəstəkli Snpadragon 700 seriyasından olan prosessor modelini əldə edə bilər. Bir neçə müddət bundan öncə Xiaomi şirkəti bildirmişdi ki, o, bu seriyadan olan prosessora sahib smartfonu istehsal edəcək ilk şirkət olacaq. Buna baxmayaraq Redmi K30 smartfon seriyasının təqdimatını 2020-ci ilin birinci yarısından tez gözləmək lazım deyil.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!