Keçən həftə məlumat ortaya çıxmışdı ki, Redmi brendi özünün yeni planşeti üzərində çalışır. Çox güman ki, söhbət, Redmi Pad 2-dən gedir. İndi isə insayderlər hazırlanan yeni planşetin texniki özəllikləri barəsində məlumat veriblər. Beləliklə onların sözlərinə əsasən Redmi Pad 2 planşeti 90 Hz-lik təsvir yenilənməsinə sahib 1920x1200 piksel keyfiyyətli 10.95 düym LCD ekran ilə təchiz olunacaq.

    Planşet Snapdragon 680 prosessoru vasitəsilə çalışacaq. Müqayisə üçün qeyd etmək lazımdır ki, Redmi Pad planşeti MediaTek Helio G99 prosessoru ilə təchiz olunur. Bununla yanaşı insayderlər bildiriblər ki, Redmi Pad 2 modeli 8 MP-lik arxa kameraya, 5 MP-lik ön kameraya sahib olacaq və Android 13 vasitəsilə çalışacaq. Redmi Pad 2-nin nə zaman təqdim olunacağı barəsində hələ bir məlumat yoxdur.