Redmi brendi Watch 3 Lite (Young Edition) adlı yeni smart saatını təqdim edib. Sözügedən yeni smart saat Redmi Watch 3-ün bir qədər sadələşdirilmiş versiyasıdır. O, Apple Watch-un dizaynını xatırladan xarici görünüşü əldə edib və üstəlik çoxlu sayda idman rejiminin dəstəklənməsi ilə müxtəlif funksiyaları təqdim edir. Redmi Watch 3 Lite modeli kvadrat formalı 1.83 düym AMOLED ekran ilə təchiz olunub.

    Bununla yanaşı smart saatın gövdəsi 5ATM standartı üzrə sudan qorunur və 100 ədəd idman rejimini dəstəkləyir. Redmi Watch 3 Lite ürək döyüntülərini, qandakı oksigen miqdarını ölçə və yuxu keyfiyyətini monitorinq edə bilir. Aktiv istifadə zamanı smart saat 8 saat ərzində, passiv istifadə zamanı isə 12 saat ərzində çalışa bilir. İstifadəçilər smart saatda olan Bluetooth vasitəsilə smartfona daxil olan zəngləri də qəbul edə bilərlər. Smart saatı artıq Çin bazarında ön sifariş etmək mümkündür. Lakin onun qiyməti barəsində məlumat daha sonra veriləcək.