main-post-cover

    RedmiBook 14 (2023) noutbuku təqdim edilib - QİYMƏTİ

    Elm & Texnologiya
    19.05.2023
    Farid Pardashunas
        Redmi brendi 14 düym ekrana sahib RedmiBook noutbukunun yeni versiyasını təqdim edib. RedmiBook 14 (2022)-dən fərqli olaraq RedmiBook 14 (2023) modeli sahib olduğu prosessoru ilə yanaşı həmçinin professional ekranı ilə də fərqlənir. Beləliklə sözügedən noutbuk 120 Hz-lik təsvir yenilənməsinə sahib 2.8K keyfiyyətli 14 düym IPS ekran ilə təchiz olunub. Ekran sRGB rəng diapazonunun 100%-ni əhatə edir və özündə Dolby Vision dəstəyini birləşdirir.
        Noutbuk iki versiyada təqdim edilib. Onlardan biri Intel Core i5-12500H, digəri isə Core i7-12700H prosessoru ilə təchiz olunub. Bununla yanaşı noutbuk aktiv soyutma sisteminə də sahibdir. Belə ki, o özündə iki ədəd pəri birləşdirir. Hər iki prosessor halında RedmiBook 14 (2023) LPDDR5 standartlı 16 GB RAM 512 GB SSD ilə təchiz olunub. Noutbukun ana platasında iki ədəd M.2 girişinin olması sayəsində onun yaddaş həcmini 3 TB-a kimi yüksəltmək mümkündür.
        RedmiBook 14 (2023) həmçinin özündə Dolby Atmos dəstəkli iki ədəd səsgücləndiricini, 4 ədəd mikrofonu və 56 vatt saatlıq batareyanı birləşdirir. İnterfeyslərə gəldikdə isə noutbuk iki ədəd USB 3.2 Gen 1, bir ədəd USB 2.0 Type-A, Thunderbolt 4, HDMI 2.1 girişlərinə və naqilli qulaqlıqlar üçün nəzərdə tutulmuş 3.5 mm-lik audiogirişə sahibdir. RedmiBook 14 (2023) 22 may tarixində satışa çıxacaq və onun qiyməti 567$-dan start götürəcək.
    Linki kopyala

    Bənzər xəbərlər

    Oxşar xəbərlər