
Rekord yaddaş həcmi. Huawei Mate RS Porsche Design adlı super flaqman modeli
Elm & Texnologiya
28.03.2018
P20 və P20 Pro əsas flaqman modelləri
ilə birlikdə Huawei şirkəti həmçinin Mate RS Porsche Design adlı super
flaqman smartfonunu təqdim etdi. Smartfonun əsas özəllikləri sırasında üçlü
arxa kamera, 512 GB daxili yaddaş həcmi durur. Xarici görünüşcə Mate RS Porsche
Design P20-ə bənzəmir. Belə ki, Mate RS Porsche Design-ın ön panelinin yuxarı
hissəsində çıxıntı yeri yoxdur. Onun arxa kamerası isə arxa panelin ortasında
yerləşir. Smartfonun korpusu metaldan hazırlanıb. Onun ekranının kənarları əyilmiş
formadadır. Cihaz yuxarı və aşağı hissələrdə nazik çərçivələrə sahibdir.
Mate
RS Porsche Design iki barmaq izi skanı texnologiyasına sahibdir. Onlardan biri
arxa paneldə digəri isə ekranda yerləşir. Buna görə də istifadəçi müxtəlif vəziyyətlərdə
ona rahat olan istənilən barmağını smartfonu blokdan çıxartmaq üçün istifadə edə
bilər. Əvvəldə də dediyimiz kimi Mate RS Porsche Design üçlü arxa kameraya
sahibdir. Adi çəkiliş və beşqat hibrid zoom üçün 40 MP-lik rəngli sensor, təsvirlərin
dəqiqliyi və detalizasiyası üçün 20 MP-lik ağ-qara sensor və üçqat zoom üçün 8
MP-lik uzunfokuslu rəngli sensor. Kameralar Leica şirkətinin əməkdaşlığı çərçivəsində
hazırlanmışdır. Həmçinin Mate RS Porsche Design-ın üçlü arxa kamerası saniyədə
960 kadrlı slo-mo videolar da çəkə bilir.
Texniki göstəricilərə gəldikdə isə
Mate RS Porsche Design 18:9 nisbətli 6 inç QHD+ ekran, neyroşəbəkə imkanlarına
sahib olan Kirin 970 prosessoru, 6 GB RAM, 256/512 GB daxili yaddaş və 4000 mAh
enerji tutumlu batareya ilə təchiz olunub. Smartfonun əsas maraqlı məqamı onun
qiymətindədir. Belə ki, 6 GB RAM və 256 GB daxili yaddaşa sahib versiya 1695
avro, 6 GB RAM və 512 GB daxili yaddaşa sahib versiya isə 2095 avro qiymətinə
satılacaq. Smartfonun satışları gələn aydan start götürəcək. Qeyd etmək
lazımdır ki, Apple və Samsung kimi əsas rəqib şirkətlərin sonuncu modellərinin
qiymətləri Mate RS Porsche Design-ın qiymətindən iki dəfə ucuzdur.
Bənzər xəbərlər
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
Ən çox oxunanlar