Rəqəmsal kommunikasiyada keyfiyyətli və unikal fotoların rolu nə qədərdir?

Rəqəmsal kommunikasiyada keyfiyyətli və unikal fotoların rolu nə qədərdir?

Texnologiya
30.10.2019 PAYLAŞIM

    Artıq rəqəmsal dünyanın yaranması hələ çoxdan yeni hədəf kütləsinin və yeni reklam, kommunikasiya kanalının yaranmasına səbəb olub. İndiki vəziyyətdə demək olar ki, əksər brendlər, markalar hətta dünən yaranan şirkətlərin belə rəqəmsal kommunikasiyası var və həmin şirkətlər sosial mediadan istifadə edirlər. Vəziyyət elə bir yerə gəlib çatıb ki, Instagram-da öz əl işini yaxud bişirdiyi tortu satan orta yaşlı xanımdan tutmuş, ən böyük agentliklərə və şirkətlərə qədər hər kəs sosial mediadan və rəqəmsal kanallardan istifadə edir. 


    Bu məqaləmdə isə rəqəmsal kommunikasiya zamanı fotoların nə qədər effektiv olduğunu, unikal və keyfiyyətli fotoların nə qədər satışa təsir etdiyini izah etməyə çalışacam. 

    Rəqəmsal kommunikasiyada və eləcə də rəqəmsal satışda foto ən öndə gələn və vacib elementdir. Bunu 2 arqumentlə, sadə dildə izah edə bilərəm.

    1. Əksər sosial şəbəkələr “skrol” yəni yuxarıdan aşağı sürüşdürmə prinsipinə əsaslanan zaman tunelinə sahibdirlər. Və sizin bir istifadəçinin zaman tunelində onun diqqətini cəlb etməyiniz olduqca çətinləşib. Buna həm Facebook və Instagram-ın yeni alqoritmləri, həm də kontentin həddən artıq çox olması təsir edib. Belə bir vəziyyətdə sizin foto ilə olan məlumatı paylaşmağınız, istifadəçinin diqqətini daha tez cəlb edir. Çünki aşağı doğru sürüşdürən zaman istifadəçi göz fokuslamasına uyğun olaraq, ilk olaraq şəkilli məlumatları daha tez görür və üzərindən keçsə belə yaddaşında daha tez qalır. Yəni, istifadəçinin zaman tunelinə hər hansı uzun bir mətnlə çıxmaq, onun diqqətini cəlb etmək ehtimalını azaldır.

3  AYLIQ RƏQƏMSAL FOTO KURSU - KURSUN PROQRAMI

    2. Yəqin Instagram sosial şəbəkəsinin Azərbaycanda nə qədər məşhur olduğundan xəbəriniz var. Bu tək Azərbaycanda belə deyil, bütün dünyada belədir. Bir şeyi bilməkdə fayda var ki, Azərbaycanda Instagram şəbəkə olaraq Facebook-dan daha çox istifadəçi kütləsinə sahibdir. Instagram-ın məşhurlaşma və geniş yayılma səbəbi isə çox sadə məntiqə dayanır. Ancaq şəkillərin paylaşımı üçün sosial şəbəkə. Və bu məqsədlə yaradılan şəbəkə bir müddət sonra nəzarət altına alına bilməyən böyük bir elektron ticarət platformasına çevrilir. Niyə Facebook yox Instagram? Azərbaycanda kifayət qədər Instagram üzərindən biznes quran və məhsul satan kiçik sahibkarlar var. Bu, real həyatda gördüyümüz butiklərə bənzəyir. Bəs Instagram-ın bu məqsədlə niyə belə məşhur olduğuna diqqət etdinizmi? Səbəb və cavab sadədir -  Foto.

    Instagram-da satdığınız məhsulun fotosunu paylaşmaq kifayət edir ki, alıcı sizin məhsulla maraqlansın. Bu, konkret və birbaşa informasiyadır. İnsanlar artıq yazı və məlumat oxumaqdan beziblər. Yaxud onlar daha vacib məlumatları oxumaq üçün beyinlərini işə salmaq istəyirlər. Onlara sizin satdığınız məhsul haqqında uzun məlumat maraqlı deyil. Sırf bu səbəbdən Instagram elektron ticarətdə açar bir platformaya çevrilərək, fərqli bir istiqamətdə də inkişaf etməyə başladı. 

    Fotonun önəmini irəli çəkən məqamlardan birinə də bizim mediaya yaxın olan bir nümunədən sizinlə bölüşüm. Yəqin ki, xəbər saytlarının xəbərin başlığını yazdıqdan sonra qarşısında (FOTO), (FOTOLAR) yazdığına diqqət eləmisiniz. Bu, əslində foto informasiyanın nə qədər maraq doğuran və vacibliyini vurğulayan bir nümunədir. Yəni, istifadəçi o başlığı görəndə şüuraltı düşünür ki, burada təkcə mətn oxumayacam, həm də foto görəcəm. Deməli görüntü varsa, sübut və mövcudluq var. Baxın, kommunikasiyada fotonun önəmi də məhz budur. Mövcudluğun isbatı və varlığın sübutu. 

            Gələk əsas məsələyə. Bəs foto informasiyanı təmamilə ötürürmü? Hansı foto daha yaxşı informasiya ötürər? Bəli, məsələ belədir ki, foto kommunikasiyada hər şeyi həll etmir. Foto sanki sənə ilk müştərini mağazadan içəri salır. Yəni onun diqqətini cəlb edir. Satışı edən isə kontent olur. Yəni sizin yazdığınız mətn, qiymət və s. Instagram-da fotonun təsvir bölməsində məhsul haqda rəylər, məlumat və qiymət yazılır. Amma burada bəzi incəliklər var ki, onları mütləq bilmək lazımdır. Rəqəmsal dünya elə bir yerə gəlib çatıb ki, insanlar hətta o təsvirdə yazılan xırda yazıları belə oxumaq istəmirlər. Məsələn, Instagram hekayələrinin məşhurlaşma və yayılma səbəbi foto və yazının eyni ekranda olması idi. Yəni adam foto çəkir, elə rəyi də fotonun üzərində yazır, yaxud olduğu yeri qeyd edir. İzləyici bir şəkilə baxmaqla, bütün informasiyanı əldə edir və başlayır hekayələri vərəqləməyə. 

    Peşəkarların dəstəyi ilə fotoqraf ol 

            Amma şəkil üzərinə yazı yazmaq məhsul satışında və kommunikasiyada elə də uğurlu üsul deyil. Ən azından yəqin ki, Facebook-un grid tool-undan xəbəriniz varsa. Bu tool, şəkil üzərində neçə % yazının olduğunu hesablayır. Əgər yazı %-i 20-dən çoxdursa, Facebook reklam zamanı bu məzmunu daha az adama gösərir. Foto üzərində bəzən çox məlumat yazmaq, şəklin ötürəcəyi mesajı və məzmunu aradan qaldırır və həmin şəklin yazılı kontentdən heç bir fərqi olmur. 

            Yuxarıdakı arqumentlərdən fotonun rəqəmsal kommunikasiyada nə qədər vacib bir element olduğunu yəqin ki, başa düşdünüz. İndi isə Fotonun unikallığı mövzusuna toxunmaq istəyirəm. Fotonun önəmli faktor olduğunu bilən agentliklər və şirkətlər rəqəmsal kommunikasiyalarında tez-tez bundan istifadə edirlər. Hətta demək olar ki, məhsul və xidmətlə bağlı olan əksər paylaşımlar fotolarla birlikdə olur. Belə olan zaman yenə kontent bolluğu yaranır və istifadəçini hansı şəklə diqqət yetirməsi məsələsində rəqabət başlayır. Agentliklər və şirkətlər çalışır ki, keyfiyyətli fotolardan istifadə edərək paylaşımlar etsinlər. Belə olan halda isə ağıla şəkil mağazaları gəlir. Freepik, Shutterstock və s.

    Bu mağazalardan istədiyiniz qədər stok fotoları ala yaxud pulsuz tapa bilərsiniz. (Məsələn, elə bu məqalənin əsas hissəsində istifadə olunan foto kimi). Bir müddət aktual olan stok şəkilləri təəssüf ki, bugünün tələblərinə cavab vermir. Sadə bir nümunə ilə izah edim. Məsələn, bayram yaxud əlamətdar günlərdə Azərbaycanda olan Bankların, Sığorta şirkətlərinin eyni dizaynda olan fotoları paylaşdığını görürük. İzləyiciləri brendlərin bir-birindən oğurladığını, dizaynerlərinin yaxud agentliklərinin eyni olduğunu rəylərdə qeyd edirlər. Amma bu belə deyil. Həmin şirkətlər sadəcə eyni stok mağazasından fotonu alıblar. Stok mağaza məntiqi isə bir fotonun bir çox tərəfə satılmasına əsaslanır. Yəni o paylaşımı edən hər bir brendin, fotonu yaymağa hüququ olaraq haqqı var. 

    Əlavə olaraq stok fotolar istifadəçilərin qarşısına o qədər çıxır ki, artıq o fotolar öz əhəmiyyətini, unikallığını itirir, yaxud həmin istifadəçiyə məhsul, xidmət haqda tam məlumat ötürmür. Məsələn, AliExpress-də fotoda göstərilən məhsulu alanda heç də onun eynisi gəlib əlinizə çatmır. Bu səbəbdən istər sosial media agentlikləri, istər reklam və istərsə də şirkətlər komandalarına xüsusi fotoqraflar cəlb edərək, məhsulları və xidmətləri ilə bağlı unikal fotolar hazırlayırlar. Unikal fotoları isə rəqəmsal kommunikasiyanın ürəyi hesab etmək olar. Təbii ki, burada professional və düzgün baxış bucağından çəkilmiş fotolardan söhbət gedir. Hətta bazar o qədər böyüyüb ki, uyğun spesifik fotoqrafiya sahələri də çoxdan yaranıb. Food, Fashion, Nature və s. 

    Fotoqraf olmaq istəyirsən? - Bu Kurs sənin üçündür

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Huawei şirkəti 5G-nin işə salınmasını asanlaşdıran və ucuzlaşdıran yeni texnolog..

5G şəbəkə texnologiyası 3G və 4G şəbəkə texnologiyalarından yüksək sürət baxımından fərqlənir...


Xiaomi Mi Band 5 qolbağının rəsmi təqdimat tarixi elan edildi

Çinin WeChat sosial şəbəkəsindəki Xiaomi Mall adlı ictimai səhifəsində Xiaomi Mi Band 5 fitnes qolba..


Xiaomi, 6G və Peyk İnterneti kimi gələcəyin texnologiyaları üzərində işləməyə ba..

Xiaomi şirkətinin rəsmilərinin verdikləri məlumata əsasən şirkət 6G və Peyk interneti kimi gələcəyin..


SpaceX yenə tarix yazdı: Şirkət uğurlu şəkildə astronavtları BKS-ə göndərdi (VİD..

 Uzun müddətdən sonra SpaceX şirkəti sonunda daxilində astronavtların olduğu Crew Dragon kosmik gəmi..


AMD-dən 10.nəsil Intel-ə yeni zərbə: 3 yeni prosessor gəlir

AMD şirkəti 10.nəsil Intel prosessorlarına yeni rəqiblər satışa çıxarır. Yeni Ryzen prosessorları tə..


Google axtarış sistemində dəyişiklik: Bu saytlar axtarış nəticələrində önə çıxac..

Google axtarış sistemi yaxın zamanda axtarış nəticələrində səhifələrin seçimi alqoritmində dəyişikli..

×