Robotaksilərin, sərnişinlər üçün ən böyük üstünlüyü hansı olacaq?
Elm & Texnologiya
02.10.2017
Farid Pardashunas
UBS adlı maliyyə holdinqinin analitikləri, robotlaşdırılmış avtomobillərin istifadəyə verilməsindən sonra nəqliyyat vasitələrinə olan qiymətlərin kəskin şəkildə düşəcəyini proqnoz edirlər.
Bu bazarda əsas dıyişikliklərin səbəbkarları
isə Uber və Lyft kimi ride-sharing servisləri olacaq. Onlar, avtopilot nəqliyyat
vasitələrinə keçən kimi bu istiqamətdə olan qiymətlər, rekord göstəricidə aşağı
düşməyə başlayacaq. UBS analitiklərinin fikrincə robotaksilər, nəqliyyat
bazarını tamamilə dəyişəcək. Öz tədqiqatlarında analitiklər qeyd ediblər ki, dəyişikliklər
təkcə özəl nəqliyyata deyil, həmdə ictimai nəqliyyat növlərinə də təsir edəcək.
Artıq ənənəvi taksi xidmətlərini sıxışdırıb çıxaran ride-sharing servislər, bu
istiqamətdə olacaq xidmətlərini rekord dərəcədə aşağı qiymətə təklif edəcəklər.
Şirkətlər isə sürücülərin xidmətlərinə əlavə vəsait ödəməyəcək və əməkdaşların
qrafiklərinə görə iş görməyəcəklər. Uber, ABŞ-da artıq pilotsuz avtomobillərin
testini aparıb. Lyft isə öz avtomobillərinin yarısını, “Ford” şirkəti tərəfindən
yaradılacaq avtopilot sisteminə keçirdəcək.
Lyft həmçinin San Fransiskoda
Drive.ai sistemi ilə təchiz olunmuş adi avtomobillərin əsasında robotaksi xidmətini
istifadəyə verəcək. Bununla yanaşı o, “Google”a məxsus “Waymo” şirkəti ilə də əməkdaşlıq
edir. Rəqabətin sərtləşməsi də qiymətlərin aşağı enməsinə yardımçı olacaq. “İndiki
göstəricilərdən fərqli olaraq sərnişinlərin bu xidmətlərdən istifadə üçün ödədikləri
vəsait, 80% aşağı düşəcək” – deyə UBS analitikləri bildiriblər.
Proqnozlara əsasən
15 ildən sonra amerikalıların yalnız 20%-i özəl avtomobillərə sahib olacaq. Həmçinin
ictimai nəqliyyatda səyahət etmək də sərfəli olmayacaq. Bununla belə ictimai nəqliyyat
növləri də elektrikləşdirilmiş sistemə keçərək öz qiymət göstəricilərini aşağı
sala bilərlər. Belə ki, yeni nəsil batareyaların hesabına elektrikli
avtobusların qətt etdikləri yol göstəricisi daha da yüksək olub.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ