Şaiyə: Nintendo NX konsolunun gamepad-ın ilk fotosu

DualPixels mənbəsi Nintendo NX konsolunun gamepad-ın ilk fotosunu internetə yayıb. Şəkildə təqdim olunmuş gamepad Nintendo şirkəti tərəfindən bir müddət əvvəl qeydiyyatdan keçirtdiyi patent fotosundakı prototipə çox bənzəyir. Destructoid portalı artıq gamepad-ın fotosunu incələyib və prototip fotodakı ilə heç bir dəyişikliyin olmadığını qeyd edib. Hər halda şəkildəki gamepad-ın əsl prototip və ya sadəcə olaraq həvəskar əl işi olduğunu söyləmək çox çətindir. Güman olunur ki, Nintendo şirkəti öz yeni konsolunu bu ilin iyun ayında baş tutacaq E3 2016 oyun sərgisində təqdim edəcək.