Bir neçə müddət bundan öncə insayderlər Samsung şirkətinin Exynos 2300 adlı yeni flaqman prosessoru barəsində məlumat vermişdilər. İnsayderlərin bəziləri qeyd etmişdilər ki, sözügedən prosessor ümumiyyətlə ləğv edilib, dgərləri isə bildirmişdilər ki, Samsung onu öz smartfonlarında istifadə edəcək. İndi insayderlər sözügedən prosessor barəsində yeni məlumatları təqdim ediblər. Beləliklə təqdim edilmiş məlumata əsasən Exynos 2300 nəticə etibarilə istifadəyə veriləcək, lakin o, Samsung smartfonlarında olmayacaq.

    Bununla yanaşı məlumatda qeyd edilib ki, yeni flaqman prosessor bazarda başqa ad ilə təqdim olunacaq. İnsayderlər bildiriblər ki, Samsung Exynos 2300 adlı prosessor üzərində çalışmağa davam edir. Bununla belə şirkət onun adını Google Tensor G3-ə dəyişəcək və nəticədə o, Pixel 8 smartfon seriyasında istifadə ediləcək. Gözləntilərə əsasən Exynos 2300 prosessoru 3.09 GHz tezlikdə çalışan 1 ədəd Cortex-X3 nüvəsini, 2.65 GHz tezlikdə çalışan 4 ədəd Cortex-A715 nüvəsini və 2.1 GHz tezlikdə çalışan 3 ədəd Cortex-A510 nüvəsini əldə edəcək.