Keçən həftə məlumat ortaya çıxmışdı ki, Samsung şirkəti Galaxy Buds FE adlı yeni naqilsiz qulaqlığı üzərində çalışır. İndi isə bu məlumat öz təsdiqini tapıb. Belə ki, Galaxy Buds FE-nin şarj keysinin və qulaqlıqların özlərinin fotoları ortaya çıxıb. Ortaya çıxmış fotolardan da görmək olar ki, şarj keysi ağ rəngə, qulaqlıqların özləri isə qara rəngə sahib olacaqlar. Məlumata əsasən hər bir qulaqlıq 2 ədəd mikrofon ilə təchiz olunacaq və sensorlu idarəetməyə sahib olacaq. Üstəlik qulaqlıqlar istifadəçinin qulaqlarında yerləşib-yerləşmədiklərini təyin edə biləcəklər. Çox güman ki, bu, musiqinin avtomatik olaraq dayandırılması və işə salınması üçün reallaşdırılacaq. Galaxy Buds FE naqilsiz qulaqlığının Galaxy S23 FE smartfonu və Galaxy Tab S9 FE planşetləri ilə birlikdə təqdim olunacağı gözlənilir.