Galaxy Fold smartfonu qatlana bilən ekranı ilə çox səs gətirən bir cihaz olmuşdu. Lakin ekran problemləri səbəbilə Samsung cihazları geri çağırmış, bəzi dəyişikliklər edib təkrar satışa çıxarmışdı. Bu səfər isə Galaxy Fold 2 ilə bağlı bəzi məlumatlar aşkarlandı. Belə ki, bu səfər Galaxy Fold 2 ultra incə ekran texnologiyası ilə satışa çıxacaq.

        Şirkət rəsmilərinin dediklərinə görə Galaxy Fold 2 modeli əvvəlki modelə nəzərən daha dayanıqlı olacaq. Yeni aşkarlanan patentlərə görə Fold 2 modelində UTG ( Ultra-Thin-Glass) adı verilən ultra incə şüşədən istifadə ediləcək. Elastik olan bu material hər cürə ekrana və formaya uyğun olduğu üçün daha problemsiz işləyəcəyi düşünülür. Həmçinin qeyd edilir ki, bu ekran cızılmalara qarşı da çox dözümlü olacaq. Bu şüşənin qalınlığı təxminən 30 µm - 100 µm olacaq. Və bu da hardasa insan saç telinə yaxın naziklikdədir. Digər tərəfdən isə mənfi cəhəti bahalı və istehsalı çətin bir proses olmasıdır. Yenə də bildirilən məlumatlar görə Galaxy Fold 2-nin əvvəlkinə nəzərən daha ucuz satışa çıxacaq.