Samsung Galaxy M40-ın texniki özəllikləri təqdimatdan öncə məlum oldu
Elm & Texnologiya
07.06.2019
Farid Pardashunas
Hindistanlı insayder Mukul Sharma təqdimata hazırlaşan Samsung Galaxy M40 smartfon modelinin texniki göstərici məlumatlarını təqdim edib. Bu barədə Gagadget saytı xəbər verib. Beləliklə insayderin verdiyi məlumata əsasən Galaxy M40 modeli Full HD keyfiyyətli 6.3 düym AMOLED ekran ilə təchiz olunacaq və ekranın yuxarı sol hissəsində ön kamera üçün nəzərdə tutulmuş kiçik dairəvi hissə yerləşəcək. Smartfon 16 MP-lik ön kameraya sahib olacaq.
Smartfon həmçinin 32 MP + 8 MP + 5 MP üçlü arxa kamera ilə təchiz olunacaq. Əsas texniki göstəricilərə gəldikdə isə Galaxy M40 modeli əvvəlcədən də güman edildiyi kimi 8 nüvəli Snapdragon 675 prosessoru, 6 GB RAM, 128 GB daxili yaddaş həcmi, sürətli enerji yığma texnologiyalı 3500 mAh enerji tutumlu batareya və USB-C girişi ilə təchiz olunacaq. Galaxy M40 smartfonu 11 iyun tarixində Hindistanda təqdim olunacaq. Bununla yanaşı insayder bildirib ki, smartfon 315$-a satılacaq. Beləliklə bu cür qiymət göstəricisi və texniki göstəricilər ilə sözügedən smartfon Redmi Note 7 Pro ilə əsl rəqabət apara bilər.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)