Samsung Galaxy S9 və S9+ modellərinin yeni fotoları sızdırılıb
Elm & Texnologiya
25.12.2017
Farid Pardashunas
İnternetə keyslərdə yerləşmiş Galaxy S9 və S9+ smartfonlarının yeni fotoları sızıdırılıb.
Çox güman ki, fotolarda təqdim
olunmuş smartfon dizaynı bizim Fevral ayında görəcəyimiz yekun dizayndır. Daha
öncə sızdırılmış məlumatlara inansaq yeni modellər bu ilki Galaxy S8 və S8+
modellərindən görünüşcə heç də fərqlənməyəcəklər. Bu ilki modellər ilə müqayisədə
görmək olar ki, yeni modellərdə yuxarı və aşağı çərçivələr daha da nazikləşiblər.
Barmaq izi skanı isə arxa kameranın yan hissəsindən alt hissəsinə keçirilib. Qalan diayn özəllikləri baxımından isə onlar bu ilki modellərə bənzəyəcəklər.
18:9 nisbətində ekran və hər iki tərəfdən əhatə olunmuş şüşə korpus. Yeniliklərdən
biri də Galaxy S9+ modelində ikili arxa kameranın olacağıdır. Həmin ikili arxa
kamera bu ilki Galaxy Note 8-dəki kimi olacaq. Yəni ikinci kamera təsvirin
ikiqat optik böyüdülməsi üçün istifadə olunacaq. Həmçinin smartfonlar sol tərəfdən
Bixby səsli köməkçinin işə salınması üçün düyməni, 3.5 mm-lik audiogirişi və
microSD kart girişini özlərində birləşdirəcəklər. Yeni Galaxy S modellərinin Fevral
ayının sonunda təqdim olunacaqları güman olunur. Onların dizaynları barədə məlumatlar
olsa da, dəqiq mənbələr tərəfindən texniki göstəricilər barədə hələ də məlumat
yoxdur.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ