Samsung Galaxy SmartTag 2 axtarış trekeri sertifikatlaşdırmadan keçib

    Artıq heç kim üçün sirr deyil ki, Samsung şirkəti itmiş əşyaların axtarılmasına istiqamətlənmiş Galaxy SmartTag axtarış trekerinin yeni versiyası üzərində çalışır. Söhbət, Galaxy SmartTag 2-dən gedir. Görünür, axtarış trekerinin yeni versiyasının təqdimatı artıq çox yaxındır. Belə ki, Galaxy SmartTag 2 NBTC adlı sertifikatlaşdırma agentliyinin məlumatlar bazasında ortaya çıxıb. Axtarış trekerinin sertifikatlaşdırmadan keçməsi onun yaxın zamanda təqdim olunacağına işarə edir. NBTC-nin məlumatlar bazasında Galaxy SmartTag 2-nin özəllikləri barəsində məlumatlar əks olunmayıb. Lakin son məlumat sızıntlarına inansaq, Galaxy SmartTag 2 yenilənmiş dizaynı, daha uzun müddət ərzində çalışma özəlliyini və daha geniş radius dəstəyini əldə edəcək.