Samsung Galaxy SmartTag axtarış trekerinin yeni versiyası üzərində çalışır

    Samsung şirkəti 2021-ci ildə Galaxy SmartTag adlı trekeri təqdim etmişdi. Qeyd etmək lazımdır ki, bu treker itmiş əşyaların axtarışı üçün nəzərdə tutulub. İndi isə verilmiş məlumata əsasən şirkət Galaxy SmartTag-ın yeni versiyası üzərində çalışır. Gözləntilərə əsasən trekerin yeni versiyası xarici görünüşcə ilk Galaxy SmartTag modelinə bənzəyəcək. Lakin bununla belə yeni treker naqilsiz şəbəkənin, səs siqnalının daha geniş radiusda çalışmaları özəlliyini əldə edəcək. Çox güman ki, növbəti Galaxy SmartTag trekeri Samsung tərəfindən avqust ayında keçiriləcək Galaxy Unpacked tədbiri çərçivəsində qatlana bilən Galaxy Z Fold 5 və Z Flip 5 smartfonları ilə birlikdə təqdim ediləcək.